തിരുവനന്തപുരം: സിനിമയിലെ ഒരു മാസ് ഹീറോയെ വെല്ലുന്ന തരത്തിലായിരുന്നു 24 ന്യൂസില് നിന്നും സുജയ പാര്വ്വതി പടിയിറങ്ങിയത്. ബിഎംഎസിന്റെ ഒരു പരിപാടിയില് പങ്കെടുത്ത് മോദിയുടെ ഭരണനേട്ടങ്ങള് വിസ്തരിച്ചതാണ് 24 ന്യൂസിലെ കമ്മ്യൂണിസ്റ്റ് മേധാവിമാര്ക്ക് ദഹനക്കേടായത്.
ഉടനെ സുജയ പാര്വ്വതിയെ സസ്പെന്റ് ചെയ്തതായി നോട്ടീസെത്തി. പക്ഷെ ഇതിന് മുന്പില് സുജയ തളര്ന്നില്ല. ഗോകുലം ഗോപാലന്റെ ഇടപെടലും ബിഎംഎസിന്റെ സമ്മര്ദ്ദവും ശ്രീകണ്ഠന്നായരെ തളര്ത്തി. കേരളത്തിന്റെ മാധ്യമചരിത്രത്തില് ആദ്യമായി പുറത്താക്കപ്പെട്ട ഒരു തൊഴിലാളിയെ തൊഴില് സംഘടനയുടെ സമ്മര്ദ്ദത്തെ തുടര്ന്ന് തിരിച്ചെടുക്കുന്നത് ഇതാദ്യം.
സസ്പെന്ഷന് പിന്വലിച്ചതോടെ ഇതേ കമ്മ്യൂണിസ്റ്റ് മേധാവിമാരുടെ മുന്നിലൂടെ സുജയ പാര്വ്വതി തിരിച്ചുകയറി. തിരിച്ചെത്തുമ്പോള് കമ്മ്യൂണിസ്റ്റ് കിങ്കരന്മാരെ വിറളി പിടിപ്പിക്കാന് കാവി വസ്ത്രം ധരിച്ചാണ് സുജയ പാര്വ്വതി ഉച്ചയ്ക്ക് 2.30ന്റെ വാര്ത്താ ബുള്ളറ്റിന് വായിക്കാന് എത്തിയത്. സസ്പെന്ഷന് കാരണം കാണിക്കല് നോട്ടീസിലും സുജയ സംഘപരിവാറിനെ അനുകൂലിക്കുന്ന നിലപാടില് അണുവിട മാറ്റം വരുത്തില്ല എന്ന് വ്യക്തമാക്കിയിരുന്നു. പിന്നീടാണ് രാജിക്കത്ത് 24ന്യൂസ് മേധാവിമാരുടെ മുഖത്തേക്ക് സുജയ വലിച്ചെറിഞ്ഞത്. ട്വിറ്ററില് രാജി പ്രഖ്യാപിച്ചുള്ള പോസ്റ്റിലും നിറയെ ശ്രീകണ്ഠന് നായര്ക്കുള്ള താക്കീതുണ്ട്.- “ഏറ്റവുമിരുണ്ട മേഘങ്ങള്ക്ക് പിന്നിലും സൂര്യന് പ്രകാശിക്കുന്നുണ്ട്. ഏറ്റവും കഠിനമായ സാഹചര്യങ്ങളിലും അന്തര്ലീനമായ നന്മയുടെ മൂല്യങ്ങള് എപ്പോഴുമുണ്ട്. മധുരമായ വിജയങ്ങള് വരുന്നത് കാഠിന്യമുള്ള പോരാട്ടത്തിന് ശേഷമാണ്. ഇനി രാജി പ്രഖ്യാപിക്കാനുള്ള സമയം. 24 ന്യൂസിന് ഗുഡ് ബൈ…നല്ല ഓര്മ്മകള്ക്ക് നന്ദി”. ഇതായിരുന്നു രാജിവെച്ചതായി പ്രഖ്യാപിച്ചുകൊണ്ടുള്ള സുജയയുടെ പോസ്റ്റ്.
ഇന്നത്തെ കുഴലൂത്തുകാരായ മൂന്നാംകിട മാധ്യമപ്രവര്ത്തകര്ക്ക് ഇല്ലാതെ പോയതും സുജയയ്ക്കുള്ളതും രണ്ട് കാര്യങ്ങളാണ്- നിലപാടും നട്ടെല്ലും.- സൂരജ് പേരാമ്പ്ര ഫെയ് സ്ബുക്കില് കുറിച്ചതാണിത്.
ജീവന് ടിവിയിലും റിപ്പോര്ട്ടര് ചാനലിലും ഏഷ്യാനെറ്റ് ന്യൂസിലും പ്രവര്ത്തിച്ച മികവുമായാണ് 24 ന്യൂസിന്റെ പ്രധാന അവതാരകയായി സുജയ മാറിയത്. പിന്നീട് മാനേജ്മെന്റുമായി അകലത്തിലായി. തുടര്ന്നുള്ള സസ്പെന്ഷന് പകപോക്കലില് വിജയം നേടിയാണ് രാജി. രാജിയ്ക്ക് പിന്നാലെ തന്റെ ഇന്സ്റ്റഗ്രാമിലെ പ്രൊഫൈല് ചിത്രം സുജയ മാറ്റി. തന്റെ സസ്പെന്ഷന് കാരണമായ വിവാദമായ ബിഎംഎസ് പരിപാടിയിലെ തന്റെ ഫോട്ടോയാണ് സുജയയുടെ പുതിയ പ്രൊഫൈല് ചിത്രം. സിനിമയില് മാത്രമല്ല, ജീവിതത്തിലും വെള്ളിത്തിരയിലെ നായകരുടേത് പോലെ മാസ് സീന് സൃഷ്ടിക്കാന് കഴിയുമെന്ന് സുജയ ജീവിതത്തിലൂടെ തെളിയിച്ചു.
