തിരുവനന്തപുരം : കെ. മുരളീധരനെ പോലുള്ള നേതാവിനെ അപമാനിക്കുന്നത് ശരിയല്ല. കോണ്ഗ്രസിന്റെ വൈക്കം സത്യഗ്രഹ ശതാബ്ദി പരിപാടിയില് അവഗണിച്ചെന്ന കെ.മുരളീധരന്റെ പരാതിയില് പ്രതികരണവുമായി ശശി തരൂര്.
കെ.മുരളീധരന്റെ കാര്യത്തില് പാര്ട്ടിക്ക് തെറ്റുപറ്റി. മുന് കെപിസിസി അധ്യക്ഷന്മാര് എന്ന നിലയ്ക്കാണ് രമേശ് ചെന്നത്തലയ്ക്കും എം.എം. ഹസ്സനും സംസാരിക്കാന് അവസരം നല്കിയത്. അതേവേദിയില് മറ്റൊരു കെപിസിസി അധ്യക്ഷന് ഇരിക്കുമ്പോള് അദ്ദേഹത്തിനും തുല്യമായ അവസരം കൊടുക്കേണ്ടെയെന്നും തരൂര് ചോദിച്ചു.
കെ. മുരളീധരന് പാര്ട്ടിയുടെ മുതിര്ന്ന നേതാവ് മാത്രമല്ല. മുന് കെപിസിസി അധ്യക്ഷനും പാര്ട്ടിയുടെ തെരഞ്ഞെടുപ്പ് കമ്മിറ്റി ചെയര്മാനും കൂടിയായിരുന്നു. ഇത്തരത്തിലുള്ള ഒരു നേതാവിനെ അപമാനിക്കുന്നത് ശരിയല്ല. ഇത് പാര്ട്ടിയുടെ ഭാഗത്തു നിന്നുണ്ടായ തെറ്റാണെന്നും ശശി തരൂര് കൂട്ടിച്ചേര്ത്തു.
