കൊച്ചി: മാനനഷ്ടകേസുമായി ബന്ധപ്പെട്ട് ഒരു ചില്ലിക്കാശ് തരാന് തയ്യാറല്ലെന്നും മാപ്പു പറയില്ലെന്നും സ്വപ്ന സുരേഷ്. മാനനഷ്ടക്കേസില് നഷ്ടപരിഹാരം ആവശ്യപ്പെട്ട് സിപിഎം സംസ്ഥാന സെക്രട്ടറി എം.വി.ഗോവിന്ദന് നല്കിയ പരാതിക്ക് സ്വര്ണക്കടത്ത് കേസ് പ്രതിയായ സ്വപ്ന മറുപടിയുമായി ആണ് ഇക്കാര്യം വ്യക്തമാക്കിയത്.
സ്വപ്നയുടെ അഭിഭാഷകന് ആര്. കൃഷ്ണരാജ് തയ്യാറാക്കിയ വിശദമായ മറുപടിക്കത്തിലൂടെയാണ് സ്വപ്ന ഇത് പറഞ്ഞത്. മാനനഷ്ടക്കേസുമായി ബന്ധപ്പെട്ട് ഏതു നിയമ നടപടികളും നേരിടാന് തയാറാണ്. ഒരു കോടി രൂപയുടെ പത്ത് ശതമാനം കോടതി ഫീസ് ആയി അടച്ച് കേസ് ഫയല് ചെയ്യുന്നതിനായി കാത്തിരിക്കുകയാണ്.
സ്വപ്ന സുരേഷ് നടത്തിയ ഫെയ്സ്ബുക് ലൈവില് എല്ലാ വിവരങ്ങളും വളരെ വ്യക്തമായി മലയാളത്തില്തന്നെ പറയുന്നുണ്ടെന്ന് ഫേസ്ബുക്കിലൂടെ സ്വപ്ന പുറത്തുവിട്ട കത്തില് വ്യക്തമാക്കി. പറഞ്ഞ കാര്യങ്ങള് വീണ്ടും കേള്ക്കണം. കേസുമായി ബന്ധപ്പെട്ട് ഒരു ചില്ലിക്കാശ് തരാന് തയ്യാറല്ലെന്നും മാപ്പു പറയില്ലെന്നും കത്തിന് അവസാനം പറയുന്നു.
