ന്യൂദല്ഹി: സ്വന്തം കുടുംബത്തെ ശ്രീരാമന്റെ കുടുംബവുമായി താരതമ്യം ചെയ്യാന് എങ്ങിനെയാണ് പ്രിയങ്കയ്ക്ക് ആകുന്നതെന്ന് കേന്ദ്രമന്ത്രി അനുരാഗ് താക്കൂര്. ഈ കുടുംബം രാജ്യത്തിനും ഭരണഘടനയ്ക്കും മുകളിലാണെന്ന് സ്വയം ചിന്തിക്കുന്നവരാണെന്നും രാജ്യവും ഇവിടുത്തെ ജനങ്ങളും ഇതെല്ലാം കണ്ടുകൊണ്ടിരിക്കുന്നുണ്ടെന്നും അനുരാഗ് താക്കൂര് കുറ്റപ്പെടുത്തി.
“സവര്ക്കറിനെപ്പോലെ താന് നുണപറയില്ല, ഗാന്ധി കുടുംബത്തില് നിന്നുള്ളയാളാണ് എന്നാണ് രാഹുല് ഗാന്ധി അവകാശപ്പെടുന്നത്. ഒരിയ്ക്കലും രാഹുല് ഗാന്ധിയ്ക്ക് സവര്ക്കാര് ആകാന് കഴിയില്ല. കാരണം സവര്ക്കര് ഒരിയ്ക്കലും ആറ് മാസത്തോളം വിദേശ ടൂര് നടത്തുന്ന വ്യക്തിയായിരുന്നില്ല”- അനുരാഗ് താക്കൂര് പറഞ്ഞു.
“സവര്ക്കര് ഒരിയ്ക്കലും പണിയെടുത്ത ശേഷം വിദേശ യാത്ര ആഗ്രഹിച്ചിട്ടില്ല. കാരണം അദ്ദേഹം സ്വന്തം ജീവിതം രാജ്യത്തിന് സമര്പ്പിച്ച വ്യക്തിയാണ്. 14 വര്ഷമാണ് സവര്ക്കര് ജയിലില് കിടന്നത്. രാഹുല്ഗാന്ധി വീര് സവര്ക്കറെ അപമാനിച്ചു. പക്ഷെ അപമാനത്തില് നിന്നും ഇന്ദിരാഗാന്ധിയെക്കൂടി രാഹുല് രക്ഷിയ്ക്കേണ്ടതായി വരും. കാരണം 1970ല് സവര്ക്കറുടെ പേരില് ബഹുമാനാര്ത്ഥം പോസ്റ്റല് സ്റ്റാമ്പ് പുറത്തിറക്കിയത് ഇന്ദിരാഗാന്ധിയാണ്. “- അനുരാഗ് താക്കൂര് പറഞ്ഞു.
