മുംബൈ: യഥാര്‍ത്ഥ ശിവസേന ആരെന്ന് മനസിലാക്കിക്കൊടുക്കുന്ന മുഖ്യമന്ത്രി ഏക് നാഥ് ഷിന്‍ഡെയുടെ നേതൃത്വത്തില്‍ നടന്ന ബ്രഹ്മാണ്ഡറാലിയുടെ വീഡിയോ വൈറലായി. ലക്ഷങ്ങള്‍ പങ്കെടുക്കുത്ത മെഗാറാലിയായിരുന്നു മുംബൈയിലെ ശിവജി പാര്‍ക്കില്‍ നടന്നത്.
ഉദ്ധവിന്റെ ഉറക്കം കെടുത്തി ഏക്നാഥ് ഷിന്ഡെ-രാജ് താക്കറെ കൂടിക്കാഴ്ച
ഈ റാലിയ്‌ക്ക് ശേഷം ഏക് നാഥ് ഷിന്ഡെ മഹാരാഷ്‌ട്രനവനിര്‍മ്മാണ്‍ സമിതി (എംഎന്‍എസ്) നേതാവ് രാജ് താക്കറെയുമായി കൂടിക്കാഴ്ച നടത്തി. രാജ് താക്കറെയുടെ ദാദറിലുള്ള പുതിയ വീടായ ശിവ്തീര്‍ത്ഥിലായിരുന്നു ഈ കൂടിക്കാഴ്ച.
രാജ് താക്കറെയും ഏക്നാഥ് ഷിന്‍ഡെയും ഒന്നാകാന്‍ സാധ്യതയുണ്ടെന്ന അഭ്യൂഹങ്ങളാണ് പ്രചരിക്കപ്പെടുന്നത്. മാര്‍ച്ച്22ന് ശിവജി പാര്‍ക്കില്‍ നടന്ന റാലിയില്‍ ശിവസേനയുടെ പിളര്‍പ്പിന് ഉദ്ധവ് താക്കറെയാണ് ഉത്തരവാദിയെന്ന് രാജ് താക്കറെ കുറ്റപ്പെടുത്തി. “പണ്ട് ഞാന്‍ ശിവസേന വിട്ടപ്പോള്‍ എന്നെക്കുറിച്ച് പലരും കെട്ടുകഥകള്‍ പ്രചരിപ്പിച്ചിരുന്നു. പക്ഷെ ഇപ്പോള്‍ ബാലസാഹബ് താക്കറെ സ്ഥാപിച്ച പാര്‍ട്ടി കൊണ്ടു നടക്കാന്‍ ഉദ്ധവ് താക്കറെയ്‌ക്കായില്ല. ” – രാജ് താക്കറെ പറഞ്ഞു. “ഉദ്ധവ് താക്കറെയുടെ മകന്‍ ആദിത്യ താക്കറെയ്‌ക്ക് ഒരിയ്‌ക്കലും ശിവസേനയെ കൊണ്ടുനടക്കാന്‍ കഴിയില്ല. “- രാജ് താക്കറെ പറഞ്ഞു.
പ്രതികരിക്കാൻ ഇവിടെ എഴുതുക: