കൊച്ചി : ബ്രഹ്മപുരം മാലിന്യപ്ലാന്റിലെ തീപിടിത്തത്തെ തുടര്‍ന്നുണ്ടായ വിഷപുക ശ്വസിച്ച് വാഴക്കാല സ്വദേശി മരിച്ചതായി ആരോപണം. ലോറന്‍സ് ജോസഫാണ് മരിച്ചത്. ഇയാള്‍ ശ്വാസകോശ രോഗത്തിന് ചികിത്സയില്‍ കഴിയുകയായിരുന്നു.
കഴിഞ്ഞ ബുധനാഴ്ചയ്‌ക്കു ശേഷമാണ് ലോറന്‍സിനു രോഗം മൂര്‍ച്ഛിച്ചതെന്നു ബന്ധുക്കള്‍ പറഞ്ഞു. ബ്രഹ്‌മപുരത്തു നിന്നും പുക ഉയര്‍ന്നതോടെ ഇയാളുടെ ആരോഗ്യ നില വഷളായി. ഒരാഴ്ചയായി ശ്വാസ തടസ്സം നേരിട്ടിരുന്നതായും ലോറന്‍സിന്റെ ഭാര്യ ലിസി പറഞ്ഞു.
ലോറന്‍സിന്റെ മരണം വിഷപ്പുക മൂലമാണെന്നാണ് കരുതുന്നത്. ഇക്കാര്യം ആരോഗ്യമന്ത്രിയെ അറിയിച്ചെന്നും ഹൈബി ഈഡന്‍ എംപി. വിഷയത്തില്‍ പ്രതികരിച്ചു.
പ്രതികരിക്കാൻ ഇവിടെ എഴുതുക: