മലപ്പുറം: മഞ്ചേരി പട്ടര്‍ക്കുളം അല്‍ ഹുദാ സ്‌കൂള്‍ ബസ്സ് നിയന്ത്രണം വിട്ട് അതേ സ്‌കൂളിന്റെ തന്നെ മറ്റൊരു ബസ്സിലിടിച്ച് അപകടം. െ്രെഡവര്‍ക്കും നിരവധി വിദ്യാര്‍ത്ഥികള്‍ക്കും പരിക്കേറ്റു. പരീക്ഷ കഴിഞ്ഞു വിദ്യാര്‍ത്ഥികളുമായി പോയ സ്‌കൂള്‍ ബസ്സിന്റെ പിറകുവശത്ത് അല്‍ഹുദ സ്‌കൂളിന്റെ തന്നെ മറ്റൊരു ബസ്സ് നിയന്ത്രണം വിട്ട് ഇടിക്കുകയായിരുന്നു.
ഇതോടെ മുന്നില്‍ പോകുകയായിരുന്ന ബസ്സിന്റെ ഡ്രൈവര്‍ക്ക് നിയന്ത്രണം നഷ്ടമാവുകയും വൈദ്യുത പോസ്റ്റില്‍ ഇടിച്ച് ബസ് മറിഞ്ഞു. പരീക്ഷ കഴിഞ്ഞ് സ്‌കൂളില്‍ നിന്നും മടങ്ങുന്ന എല്‍കെജി യുകെജി എന്നീ ക്ലാസുകളില്‍ പഠിക്കുന്ന 35 ഓളം വിദ്യാര്‍ത്ഥികളാണ് ബസ്സില്‍ ഉണ്ടായിരുന്നത്. പരിക്കേറ്റ വിദ്യാര്‍ത്ഥികളെയും ബസ് െ്രെഡവറായ അബ്ദുല്‍ മജീദിനെ (58) ഉടന്‍തന്നെ ആശുപത്രിയില്‍ പ്രവേശിപ്പിച്ചു.
16 കുട്ടികളെ മഞ്ചേരി മെഡിക്കല്‍ കോളേജ് ആശുപത്രിയിലും 20 കുട്ടികളെ സ്വകാര്യ ആശുപത്രിയിലേക്കും മാറ്റി. മൂന്ന് കുട്ടികള്‍ക്ക് തലക്കും താടി ഭാഗത്തും കൈയ്യിനും പരിക്കുകള്‍ ഉണ്ട്. വാഹനത്തിന്റെ ബ്രേക്ക് നഷ്ടമാതാണ് അപകടത്തിന് കാരണം എന്നാണ് പ്രാഥമിക നിഗമനം.
പ്രതികരിക്കാൻ ഇവിടെ എഴുതുക: