മുംബൈ: പ്രശസ്ത ബോളിവുഡ് നടനും സംവിധായകനുമായ സതീഷ് കൗശിക്ക് (67)അന്തരിച്ചു. ഹൃദയാഘാതമാണ് മരണകാരണം. നടന് അനുപം ഖേറാണ് മരണവാര്ത്ത പുറത്തുവിട്ടത്. തന്റെ ആത്മസുഹൃത്ത് ജീവനോടെയില്ലെന്ന് എഴുതേണ്ടിവരുമെന്ന് സ്വപ്നത്തില്പ്പോലും ചിന്തിച്ചിരുന്നില്ല. 45 വര്ഷത്തെ സൗഹൃദത്തിനാണ് അന്ത്യമായത്. താങ്കളില്ലാതെ ഇല്ലാതെ എന്റെ ജീവിതം പഴയതുപോലെയാകില്ലെന്നും അദ്ദേഹം സോഷ്യല്മീഡിയയില് കുറിച്ചു
നടന്, തിരക്കഥാകൃത്ത്, കൊമേഡിയന്, സംവിധായകന്, നിര്മാതാവ് എന്നീ മേഖലകളില് തന്റേതായ വ്യക്തിമുദ്ര പതിപ്പിച്ച സതീഷ് കൗശിക് 1956 ഏപ്രില് 13ന് ഹരിയാനയിലാണ് ജനിച്ചത്.
കങ്കണ റണാവത്ത് , മധുര് ഭണ്ഡാര്ക്കര്, മനോജ് ബാജ്പേയി, സോണി റസ്ദാന് എന്നിവരുള്പ്പെടെയുള്ള ബോളിവുഡ് താരങ്ങള് അന്തരിച്ച ചലച്ചിത്ര നിര്മ്മാതാവും നടനുമായ സതീഷ് കൗശിക്കിന്റെ മരണത്തില് ദുഃഖം രേഖപ്പെടുത്തുകയും ആദരാഞ്ജലികള് അര്പ്പിക്കുകയും ചെയ്തു.
