തിരുവനന്തപുരം : എപിജെ അബ്ദുള്‍ കലാം സാങ്കേതിക സര്‍വ്വകലാശാല വിസിയെ സാങ്കേതിക വിദ്യാഭ്യാസ വകുപ്പ് സീനിയര്‍ ജോയിന്റ് ഡയറക്ടര്‍ സ്ഥാനത്തു നിന്നും സംസ്ഥാന സര്‍ക്കാര്‍ നീക്കി. കെടിയു വിസി സ്ഥാനത്തു നിന്നും സുപ്രീംകോടതി അയോഗ്യയാക്കിയ ഡോ. എം.എസ്. രാജശ്രീയേയാണ് പകരം സര്‍ക്കാര്‍ നിയമിച്ചിരിക്കുന്നത്.
രാജശ്രീയെ സാങ്കേതിക വിദ്യാഭ്യാസ വകുപ്പ് സീനിയര്‍ ജോയിന്റ് ഡയറക്ടര്‍ തസ്തികയില്‍ നിയമിച്ചതോടെ സര്‍ക്കാര്‍ വീണ്ടും ഗവര്‍ണര്‍ക്കെതിരെ നടപടിക്കൊരുങ്ങുകയാണ്. അതേസമയം സിസ തോമസിനെ തസ്തികയില്‍ നിന്ന് മാറ്റിയെങ്കിലും പുതിയ നിയമനം നല്‍കിയിട്ടില്ല. പിന്നീട് പുതിയ തസ്തിക അനുവദിക്കുമെന്നാണ് വിവരം.
നിലവില്‍ വിസി സ്ഥാനത്ത് തുടരുന്നതിന് സിസ തോമസിന് തടസ്സമില്ലെങ്കിലും സാങ്കേതിക വിദ്യാഭ്യാസ വകുപ്പിലെ സിസ തോമസിന്റെ പുതിയ നിയമനം തിരുവനന്തപുരം ജില്ലയ്‌ക്ക് പുറത്താണെങ്കില്‍ സാങ്കേതിക പ്രശ്‌നങ്ങള്‍ ഉയരാന്‍ സാധ്യതയുണ്ട്.
പ്രതികരിക്കാൻ ഇവിടെ എഴുതുക: