തിരുവനന്തപുരം: സ്വപ്ന സുരേഷുമായി മുഖ്യമന്ത്രിയുടെ അഡീഷണല് പ്രൈവറ്റ് സെക്രട്ടറി രവീന്ദ്രന് നടത്തിയ ചില വാട്സാപ് ചാറ്റുകളുടെ വിശദാംശങ്ങള് പുറത്തുവന്നിരിക്കുകയാണ്. രാത്രിയില് ഇരുവരും അതിര് വിട്ട് ചാറ്റ് ചെയ്തതായി ഈ ചാറ്റുകളുടെ രേഖ തെളിയിക്കുന്നു.
ഒരു ഘട്ടത്തില് സ്വപ്നയോട് തനിക്ക് അമ്മിഞ്ഞപ്പാല് ഇഷ്ടമാണെന്ന് വരെ രവീന്ദ്രന് പറഞ്ഞിട്ടുണ്ട്. അതേ സമയം 2020ല് ഇഡി ചോദ്യം ചെയ്തപ്പോള് സ്വപ്ന സുരേഷിനെ വ്യക്തിപരമായി അറിയില്ലെന്നായിരുന്നു രവീന്ദ്രന് പറഞ്ഞത്. ഇതിന്റെ അടിസ്ഥാനത്തില് ഇഡി വിട്ടയച്ചു. പുതിയ ചാറ്റുകള് പുറത്തുവന്നതോടെ രവീന്ദ്രന് ഇഡിയ്ക്ക് മുന്നില് ഒളിച്ചുകളിക്കാനാവില്ല.
തിങ്കളാഴ്ച ഹാജരാകാനാണ് രവീന്ദ്രനോട് ഇഡി ആവശ്യപ്പെട്ടിരിക്കുന്നത്. സ്വപ്നയുമായുള്ള അതിരുവിട്ട ബന്ധത്തിന്റെ ചാറ്റുകള് അതിന് മുന്പാണ് പുറത്തുവന്നിരിക്കുന്നത്. ഇതോടെ ലൈഫ് മിഷനുമായി ബന്ധപ്പെട്ട കേസില് രവീന്ദ്രനും കുരുക്ക് മുറുകും.
ലൈഫ് മിഷന് കേസില് കൈക്കൂലി ഇടപാട് നടന്നതായി തെളിഞ്ഞതിന്റെ അടിസ്ഥാനത്തില് ശിവശങ്കറെ ഇഡി അറസ്റ്റ് ചെയ്തിരുന്നു. ഒമ്പത് ദിവസം തുടര്ച്ചയായി ചോദ്യം ചെയ്തതില് ഒട്ടേറെ പുതിയ വിവരങ്ങള് ലഭിച്ചിട്ടുണ്ട്.
സ്വപ്ന സുരേഷും ശിവശങ്കറും തമ്മില് നടന്ന ഒരു വാട്സാപ് ചാറ്റില് സ്വപ്നയോട് രവീന്ദ്രനെ കാണാന് ശിവശങ്കര് നിര്ദേശിക്കുന്നുണ്ട്. ലൈഫ് മിഷന് കരാര് 2018ല് ഒപ്പുവെയ്ക്കുന്നതിന്റെ പശ്ചാത്തലത്തിലായിരുന്നു ഇത്. ഇതിനെല്ലാം രവീന്ദ്രന് ഉത്തരം പറയേണ്ടി വരും. ഒരു പക്ഷെ ചോദ്യം ചെയ്യലില് മുഖ്യമന്ത്രിയുടെയും കുടുംബാംഗങ്ങളുടെയും പങ്ക് വരെ പുറത്തുവന്നേയ്ക്കാമെന്നും സംശയിക്കപ്പെടുന്നുണ്ട്.
