തൊടുപുഴ: മരിക്കാന്‍ പോകുകയാണെന്ന് ഭാര്യയെ വീഡിയോകാളിലൂടെ വിളിച്ചറിയിച്ച ശേഷം യുവാവ് വീട്ടില്‍ തൂങ്ങിമരിച്ചു. കാപ്പിത്തോട്ടം കോലാനിപറമ്പില്‍ സനൂപ് (34) ആണ് മരിച്ചത്. കഴിഞ്ഞ ദിവസം രാത്രി വീട്ടില്‍ വഴക്കുണ്ടാക്കിയതിന് ശേഷം രണ്ടാം നിലയിലേയ്‌ക്ക് പോയ സനൂപ് ഭാര്യയെ ഫോണില്‍ വിളിച്ച്‌ മരിക്കാന്‍ പോകുകയാണെന്ന് പറഞ്ഞതായി പോലീസ് പറഞ്ഞു.
സംഭവ സമയത്ത് വീട്ടില്‍ സ്‌ത്രീകള്‍ മാത്രമായിരുന്നു ഉണ്ടായിരുന്നത്. ഇവര്‍ വാതില്‍ തുറക്കാന്‍ ശ്രമിച്ചെങ്കിലും കഴിഞ്ഞില്ല. പിന്നീട് അയല്‍വാസികള്‍ എത്തി വാതില്‍ ചവിട്ടിത്തുറന്നപ്പോഴേക്കും തൂങ്ങിയ നിലയില്‍ സനൂപിനെ കണ്ടെത്തുകയായിരുന്നു. ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
ഭാര്യ: അഞ്ജു, മകൻ: യുവിൻ.
പ്രതികരിക്കാൻ ഇവിടെ എഴുതുക: