എന്റെ മൊയ്തീന്‍ എന്ന ചിത്രത്തിന്റെ വിജയത്തിനു ശേഷം ആര്‍.എസ്.വിമല്‍ തിരക്കഥ രചിച്ച് നിര്‍മ്മിക്കുന്ന പുതിയ ചിത്രമാണ് ശശിയും ശകുന്തളയും. നവാഗതനായ ബച്ചാള്‍ മഹമ്മദാണ് ഈ ചിത്രം സംവിധാനം ചെയ്യുന്നത്. കൊല്ലങ്കോട്,ചിറ്റൂര്‍ പാലക്കാട് എന്നിവിടങ്ങളിലായി ചിത്രീകരണം പൂര്‍ത്തിയായ ഈ ചിത്രം എഴുപതുകാലഘട്ടത്തിന്റെ പശ്ചാത്തലത്തിലൂടെ രണ്ടു ട്യൂട്ടോറിയല്‍ കോളജുകളുടെ പരസ്പര കലഹവും പ്രണയവുമൊക്കെയാണ് ഇതിവൃത്തമാകുന്നത്.
പുതുമുഖങ്ങളായ ഷാഹിന്‍, ആമി, എന്നിവര്‍ കേന്ദ്ര കഥാപാത്രങ്ങളെ അവതരിപ്പിക്കുന്ന ഈ ചിത്രത്തില്‍ സിദ്ദിഖ്, ബാലാജി ശര്‍മ്മ, അശ്വിന്‍കുമാര്‍, ബിനോയ് നമ്പ്യാല, സൂര്യ കൃഷ്ണാ, എന്നിവരും പ്രധാന താരങ്ങളാണ്. ആമി ഫിലിംസിന്റെ ബാനറില്‍, ആര്‍.എസ്.വിമല്‍, സലാം താലിക്കാട്ട്, നേഹ എന്നിവരാണ് ഈ ചിത്രം നിര്‍മ്മിക്കുന്നത്. മാര്‍ച്ചുമാസത്തില്‍ ഈ ചിത്രം പ്രദര്‍ശനത്തിനെത്തുമെന്നാണ് റിപ്പോര്‍ട്ട്.
പ്രതികരിക്കാൻ ഇവിടെ എഴുതുക: