കണ്ണൂര്‍ : മുഖ്യമന്ത്രിയുടെ വാഹനത്തിന് മുന്നില്‍ ചാടി മരിക്കാനാണ് ആളുകള്‍ ശ്രമിക്കുന്നത്. അത് തടയിടാനാണ് പോലീസ് ശ്രമിക്കുന്നത്. മുഖ്യമന്ത്രി പിണറായി വിജയന്റെ വാഹന വ്യൂഹത്തിന് നേരെയുള്ള കരിങ്കൊടി പ്രതിഷേധത്തില്‍ പ്രതികരണവുമായി സിപിഎം സംസ്ഥാന ജനറല്‍ സെക്രട്ടറി എം.വി. ഗോവിന്ദന്‍. മാധ്യമ പ്രവര്‍ത്തകരോട് പ്രതികരിക്കുകയായിരുന്നു അദ്ദേഹം.
മുഖ്യമന്ത്രിയുടെ വാഹന വ്യാഹത്തിന്റെ അമിത വേഗതയും ഇതുണ്ടാക്കുന്ന ഗതാഗത തടസ്സങ്ങള്‍ക്കുമെതിരെ വ്യാപക പ്രതിഷേധങ്ങളാണ് ഉയര്‍ന്നത്. അതിനു പിന്നാലെയാണ് സിപിഎം സംസ്ഥാന സെക്രട്ടറി തന്നെ വിഷയത്തില്‍ പ്രതികരിച്ചിരിക്കുന്നത്.
മുഖ്യമന്ത്രി പിണറായി വിജയനെതിരെ പ്രതിക്ഷേധിക്കുന്നത് ചാവേര്‍ സംഘങ്ങളാണ്. വാഹനത്തിന് മുന്നില്‍ ചാടി മരിക്കാനാണ് ഇവര്‍ ശ്രമിക്കുന്നത്. പോലീസ് അതിനെ തടയുന്നതാണ്. അതേസമയം കണ്ണൂര്‍ ജാഥയില്‍ നിന്ന് ആരും വിട്ട് നിന്നിട്ടില്ലെന്നും ഇപി ജയരാജന്‍ പങ്കെടുക്കുമെന്നും അദ്ദേഹം കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: