ആലപ്പുഴ: ഡോക്ടറാണെന്ന വ്യാജേനഹരിപ്പാടിൽ 108 ആംബുലൻസ് വിളിച്ച് യാത്രചെയ്യാൻ ശ്രമിച്ച യുവാവ് പിടിയിൽ. തിരുവനന്തപുരം പെരികവിള എ പി നിവാസില് അനന്തു (29) ആണ് അറസ്റ്റിലായത്. ന്യൂറോ സർജനാണെന്നും തിരുവനന്തപുരത്ത് അടിയന്തരശസ്ത്രക്രിയയ്ക്ക് എത്തണമെന്നും പറഞ്ഞാണ് യുവാവ് എത്തിയത്.
ആശുപത്രിയില് മെഡിക്കല് ഉപകരണങ്ങള് വിതരണം ചെയ്യുന്ന അനന്തുവിന് ഞായറാഴ്ച വൈകിട്ട് അഞ്ച് മണിയോടെ തിരുവനന്തപുരത്ത് മടങ്ങിയെത്തണമായിരുന്നു. ഇതിനായാണ് ന്യൂറോ സര്ജനാണെന്ന വ്യാജേന 108 ആംബുലന്സ് വിളിച്ചത്.
അപകടത്തില്പ്പെടുന്നവര്ക്ക് മാത്രമാണ് 108ന്റെ സേവനം ലഭിക്കുന്നതെന്ന് ഡ്രൈവര് പറഞ്ഞിട്ടും ശസ്ത്രക്രിയയുടെ പേരും പറഞ്ഞ് അനന്തു വാശിപിടിക്കുകയായിരുന്നു. തുടര്ന്ന് ആംബുലന്സ് ജീവനക്കാര് ഇയാളെ 108ല് കയറ്റി ഹരിപ്പാട് പോലീസ് സ്റ്റേഷനില് എത്തിക്കുകയായിരുന്നു.
