ന്യൂദല്‍ഹി: ശിവലിംഗത്തിനരികില്‍ ഭക്തിനിര്‍ഭരമനസ്സോടെ ഇരുന്ന് മഹാശിവരാത്രി ആഘോഷിക്കുന്ന ബോളിവുഡ് നടി സാറാ അലി ഖാന്റെ ചിത്രം വൈറലായി. സെയ്ഫ് അലിഖാന്റെ ആദ്യവിവാഹത്തിലെ മകളാണ് നടി സാറാ അലി ഖാന്‍.
അമ്മ അമൃതസിങ്ങിന്റെ പാത പിന്തുടര്‍ന്ന് ഹൈന്ദവ രീതികള്‍ പിന്തുടരാനാണ് സാറയ്‌ക്കിഷ്ടം. പല ഹിന്ദുക്ഷേത്രങ്ങളും സന്ദര്‍ശിക്കുന്നതിന്റെ ചിത്രങ്ങള്‍ പലപ്പോഴും സാറാ അലിഖാന് പങ്കുവെയ്‌ക്കാറുണ്ട്. ഇത് തീവ്ര ഇസ്ലാമുകളെ ചൊടിപ്പിക്കാറുമുണ്ട്.
മഹാശിവരാത്രി ആശംസകള്‍ അറിയിച്ച് മറ്റൊരു പോസ്റ്റും ഇന്‍സ്റ്റഗ്രാമില്‍ പങ്കുവെച്ചിരുന്നു. ഇതിനും എതിരെ വലിയ വിമര്‍ശനങ്ങളാണ് ഉണ്ടായിരിക്കുന്നത്. ശ്രദ്ധ കപൂറും സാറാ അലിഖാനും മാത്രമാണ് മഹാശിവരാത്രി ആശംസിച്ച നടിമാര്‍ എന്നുള്ള വിദ്വേഷ കമന്‍റുകളും ഈ പോസ്റ്റിന് മറുപടിയായിവന്നു. 16ലക്ഷത്തിലധികം ലൈക്കുകളാണ് ഈ ചിത്രത്തിന് ഒരു ദിവസം കൊണ്ട് കിട്ടിയത്.
ഇപ്പോള്‍ മഹരാശിവരാത്രി നാളില്‍ പങ്കുവച്ച പോസ്റ്റാണ് ചൂടന്‍ ചര്‍ച്ചകള്‍ക്ക് വഴിയൊരുക്കിയത്. . തിലകമണിഞ്ഞ് ഭക്തിനിർഭരയായിരിക്കുന്ന സാറാ അലിഖാന് ആരാധകരുടെ വലിയ പിന്തുണയാണ് സമൂഹമാധ്യമങ്ങളില്‍ ലഭിച്ചത്. ജയ് ബോലേ നാഥ് എന്ന തലക്കെട്ടോടെയായിരുന്നു പോസ്റ്റ്.
ഈ പോസ്റ്റിന് വിദ്വേഷപരമായ കമന്‍റുകളും നിറയെ ഉണ്ട്. വിഗ്രഹാരാധന പാപമാണെന്നും അതിനുള്ള ശിക്ഷ നടി അനുഭവിക്കുമെന്നും ഇസ്ലാമിസ്റ്റുകൾ ചിലർ അഭിപ്രായപ്പെട്ടു. സാറാ അലി ഖാന്റെ ഇടം നരകത്തിലാണെന്നും ഖുറാൻ സൂക്തങ്ങൾ ഉദ്ധരിച്ച് മറ്റ് ചിലർ കമന്‍റ് ചെയ്യുന്നു.
മഹാശിവരാത്രിയാഘോഷിക്കാനുള്ള നടിയുടെ തീരുമാനത്തിൽ പ്രതിഷേധിച്ച് ഇനിമുതൽ അൺഫോളോ ചെയ്യുകയാണെന്നായിരുന്നു വേറെ ചിലരുടെ പ്രതികരണം. ഇസ്ലാമിന് നാണക്കേടുണ്ടാക്കുന്ന പ്രവൃത്തിയാണ് നടി ചെയ്തതെന്നും മാപ്പപേക്ഷിക്കാൻ പോലും സാറ അലി ഖാൻ അർഹയല്ലെന്നും ചിലര്‍ കുറിച്ചു.
പ്രതികരിക്കാൻ ഇവിടെ എഴുതുക: