ജയ്പൂര്: താര രാജാവ് മോഹന്ലാലിനൊപ്പം നൃത്തം ചെയ്ത് ബോളിവുഡ് സൂപ്പര് സ്റ്റാര് അക്ഷയ് കുമാര്. ഇതിന്റെ വീഡിയോ അക്ഷയ് കുമാര് തന്നെയാണ് ട്വിറ്ററിലൂടെ പങ്കുവച്ചത്. നിമിഷങ്ങള്ക്കുള്ളില് തന്നെ വീഡിയോ സോഷ്യല്മീഡിയയില് വൈറലായി. ജയ്പൂരില് ഏഷ്യാനെറ്റ് ചാനല് എംഡിയും ഡിസ്നി സ്റ്റാര് ഇന്ത്യ പ്രസിഡന്റുമായ കെ. മാധവന്റെ മകന്റെ വിവാഹ ചടങ്ങില് ആയിരുന്നു ഇരുവരുടെയും നൃത്തം. ധോളിന്റെ താളത്തിനൊത്ത് പഞ്ചാബി നൃത്തത്തിനായിരുന്നു ഇരുവരും ചേര്ന്ന് ചുവടുവെച്ചത്. തലപ്പാവുള്പ്പെടെ ധരിച്ച് പരമ്പരാഗത സെറിമോണിയല് വസ്ത്രങ്ങളിലായിരുന്നു മോഹന്ലാലും അക്ഷയ് കുമാറും ചടങ്ങില് പങ്കെടുത്തത്.
16 സെക്കന്റ് ദൈര്ഘ്യമുള്ള വീഡിയോയുടെ അവസാനം അക്ഷയ്കുമാര് മോഹന്ലാലിനെ വാരിപ്പുണര്ന്ന് സ്നേഹം പ്രകടിപ്പിക്കുന്നതായി കാണാം. അക്ഷയ് കുമാര് ട്വിറ്ററില് പങ്കുച്ചത്. മോഹന്ലാലിനൊപ്പം നൃത്തം ചവിട്ടിയ ഈ നിമിഷം ഒരിക്കലും മറക്കില്ലെന്ന് അക്ഷയ്കുമാര് വീഡിയോയ്ക്കൊപ്പം ട്വിറ്ററില് കുറിച്ചു.
![](https://janmabhumi.in/wp-content/uploads/archive/2023/02/10/FolJzRiaIAAy8yv.jpg)
വളരെ സന്തോഷം തോന്നിയ നിമിഷമാണെന്നും ട്വീറ്റ് ചെയ്തു. ഇരുവരും ചേര്ന്നുള്ള നൃത്തത്തിന്റെ വീഡിയോ മോഹന്ലാലും ട്വിറ്ററില് പങ്കുവച്ചിട്ടുണ്ട്. കമല്ഹാസന്, അമീര് ഖാന്, കരണ് ജോഹര് അടക്കം നിരവധി പ്രമുഖര് വിവാഹചടങ്ങില് പങ്കെടുത്തു.
![](https://janmabhumi.in/wp-content/uploads/archive/2023/02/10/FolJx4RaAAA2535.jpg)
മോഹൻലാലിനെയും അക്ഷയ് കുമാറിനെയും കൂടാതെ കരൺ ജോഹർ, കമൽഹാസൻ, പൃഥ്വിരാജ്, ആമിർ ഖാൻ, വ്യവസായ പ്രമുഖൻ എം എ യൂസഫലി എന്നിവരും വിവാഹത്തിൽ പങ്കെടുക്കാൻ എത്തിയിരുന്നു.
![](https://janmabhumi.in/wp-content/uploads/archive/2023/02/10/FolJypfaAAEJKVJ.jpg)
പ്രതികരിക്കാൻ ഇവിടെ എഴുതുക: