ചെന്നൈ: സംവിധായകന്‍ പ്രിയദര്‍ശന്റെയും നടി ലിസിയുടെയും മകനും സ്പെഷ്യല്‍ വിഷ്വല്‍ ഇഫക്ട്റ്റ് ആര്‍ട്ടിസ്റ്റുമായ സിദ്ധാര്‍ത്ഥ് പ്രിയദര്‍ശന്‍ വിവാഹിതനായി. വധു അമേരിക്കക്കാരിയാണ്. അമേരിക്കന്‍ പൗരയായ മെര്‍ലിന്‍ വിഷ്വല്‍ എഫക്റ്റ് പ്രൊഡ്യൂസറാണ്.
ഹിന്ദു ആചരപ്രകാരം തീര്‍ത്തും സ്വകാര്യമായി നടന്ന ചടങ്ങിലായിരുന്നു വിവാഹം. ചെന്നൈയില്‍ പുതിയ ഫ്ളാറ്റിലായിരുന്നു വിവാഹം നടന്നത്. പ്രിയദര്‍ശന്‍, ലിസി, കല്യാണി പ്രിയദര്‍ശന്‍, മറ്റ് അടുത്ത ബന്ധുക്കളും സുഹൃത്തുക്കളുമായ പത്തോളം പേര്‍ മാത്രമാണ് വിവാഹത്തിനുണ്ടായത്.
വെള്ളിയാഴ്ച വൈകീട്ടായിരുന്നു വിവാഹം. പ്രിയദര്‍ശന്‍ സംവിധാനം ചെയ്ത മരക്കാര്‍ അറബിക്കടലിന്റെ സിംഹം എന്ന ചിത്രത്തില്‍ സിദ്ധാര്‍ത്ഥ് ആയിരുന്നു വിഎഫ്എക്‌സ് ചെയ്തിരുന്നത്. ഈ ചിത്രത്തിന് സിദ്ധാര്‍ത്ഥിന് ദേശീയ പുരസ്‌കാരം ലഭിച്ചിരുന്നു.
പ്രതികരിക്കാൻ ഇവിടെ എഴുതുക: