തിരുവനന്തപുരം: നടന്‍ ബിജു മേനോന്‍ തൃശൂര്‍ ജില്ലാ ക്രിക്കറ്റ് അസോസിയേഷന്‍ താരമായിരുന്നു എന്ന കാര്യം അധികം ആര്‍ക്കും അറിയില്ല. സിനിമക്കാര്‍ക്ക് പ്രത്യേകിച്ചും. ഇപ്പോള്‍ പഴയ തൃശൂര്‍ ജില്ല ക്രിക്കറ്റ് അസോസിയേഷന്റെ താരമായിരുന്ന നടന്‍ ബിജുമേനോന്റെ പടം പങ്കുവെച്ചിരിക്കുകയാണ് ക്രിക്കറ്റ് താരം സഞ്ജു സാംസണ്‍.
‘അറിഞ്ഞില്ല, ആരും പറഞ്ഞില്ല’ എന്ന കുറിപ്പോടെയാണ് സഞ്ജു സാംസണ്‍ ഈ കുറിപ്പ് പങ്കുവെച്ചിരിക്കുന്നത്. ഞങ്ങളുടെ സൂപ്പര്‍ സീനിയര്‍ എന്ന് പറഞ്ഞ് ബിജു മേനോനെ സഞ്ജു ടാഗും ചെയ്തിട്ടുണ്ട്.
സഞ്ജു സാംസന്റെ ഈ പോസ്റ്റിന് വന്‍ പ്രതികരണങ്ങളാണ് ലഭിക്കുന്നത്. പലര്‍ക്കും ഇത്ര മികച്ച ക്രിക്കറ്റ് താരമായിരുന്നോ ബിജു മേനോന്‍ എന്ന അമ്പരപ്പുമുണ്ട്. രക്ഷാധികാരി ബൈജു ഒപ്പ് എന്ന ചിത്രത്തില്‍ ബിജു മേനോന്‍ ക്രിക്കറ്റ് കളിക്കുന്ന ചിത്രങ്ങളും പലരും പങ്കുവെയ്‌ക്കുന്നു.
പ്രതികരിക്കാൻ ഇവിടെ എഴുതുക: