തിരുവനന്തപുരം : കോവളത്ത് ബൈക്ക് ഇടിച്ച് വീട്ടമ്മ മരിച്ചു. പനത്തുറ സ്വദേശി സന്ധ്യ(55) ആണ് മരിച്ചത്. രാവിലെ എട്ട് മണിയോടെ തിരുവല്ലം- കോവളം ബൈപ്പാസില് വെച്ചാണ് അപകടം നടന്നത്. ബൈക്ക് യാത്രികന് വഴിയാത്രക്കാരിയായ വീട്ടമ്മയെ ഇടിച്ചു തെറിപ്പിക്കുകയായിരുന്നു.
പൊട്ടക്കുഴി സ്വദേശിയായ അരവിന്ദ് എന്ന യുവാവിനും പരിക്കേറ്റിട്ടുണ്ട്. ഇയാളുടെ നില ഗുരുതരമായി തുടരുകയാണ്. സന്ധ്യ റോഡ് മുറിച്ചു കടക്കുമ്പോഴായിരുന്നു അപകടം. ബൈക്ക് അമിത വേഗത്തിലായിരുന്നു. സംഭവ സ്ഥലത്ത് തന്നെ സന്ധ്യ മരിച്ചു.
ഫോട്ടോ എടുക്കാനെത്തിയ യുവാവിന്റെ ബൈക്ക് ആണ് അപകടത്തില് പെട്ടതെന്നാണ് പോലീസ് നല്കുന്ന വിശദീകരണം. എന്നാല് റേസിങ് ബൈക്ക് ഇടിച്ചാണ് അപകടമെന്ന് നാട്ടുകാര് ആരോപിച്ചു. ഈ മേഖലയില് റേസിങ് ഉണ്ടാകാറുണ്ടെന്നും, ഞായറാഴ്ച ഇത് പതിവായി യുവാക്കള് ബൈക്ക് റേസിങ് നടത്താറുണ്ട്. പലതവണ പരാതിപ്പെട്ടിട്ടും നടപടി ഇല്ലെന്നും നാട്ടുകര് പറഞ്ഞു.
