കണ്ണൂര്: സര്വ്വകലാശാല വിസിയായി തനിക്ക് പുനര് നിയമനം ലഭിച്ചത് യുജിസി ചട്ടങ്ങള് പാലിച്ചാണെന്ന് കണ്ണൂര് വിസി. ഡോ. ഗോപിനാഥ് രവീന്ദ്രന്. തന്റെ നിയമനം നിയമ വിധേയമാക്കണമെന്നും ആവശ്യപ്പെട്ട് സുപ്രീംകോടതിയില് നല്കിയ സത്യവാങ്മൂലത്തിലാണ് ഡോ. ഗോപിനാഥ് രവീന്ദ്രന് ഇക്കാര്യം അറിയിച്ചിരിക്കുന്നത്.
യുജിസി ചട്ടപ്രകാരമാണ് കണ്ണൂര് യൂണിവേഴ്സിറ്റി വിസിയായി ആദ്യം തന്നെ നിയമിച്ചത്. പുനര് നിയമനത്തിനായി ആതേ നടപടികള് വീണ്ടും പാലിക്കേണ്ടതില്ല. പുനര് നിയമനത്തിന് പ്രായപരിധി ബാധകമാവില്ല. ഒരു തവണ വിസിയായതിനാല് തനിക്ക് പുനര് നിയമനത്തിന് യോഗ്യതയുണ്ടെന്നുമാണ് ഗോപിനാഥിന്റെ സത്യവാങ്മൂലത്തില് പറയുന്നത്.
കണ്ണൂര് യൂണിവേഴ്സിറ്റി വിസി നിയമനത്തില് സംസ്ഥാന സര്ക്കാര് ഇഷ്ടക്കാരെ തിരുകി കയറ്റുകയാണെന്ന് നേരത്തെ ആരോപണം ഉയര്ന്നിരുന്നു. പ്രായപരിധി കഴിഞ്ഞിട്ടും ഗോപിനാഥിനെ വിസി സ്ഥാനത്തേയ്ക്ക് പരിഗണിച്ചതാണ് വിവാദമായത്.
