ന്യൂദല്ഹി: ഇന്ത്യക്കും പ്രധാനമന്ത്രി നരേന്ദ്ര മോദിക്കുമെതിരായ ബിബിസി ഡോക്യുമെന്ററിയെ രാഷ്ട്രീയ വല്ക്കരിക്കുന്നതിനെതിരെ രൂക്ഷ വിമര്ശനവുമായി കേന്ദ്രമന്ത്രി കിരണ് റിജിജു. ചിലര് ഇപ്പോഴും കൊളോണിയല് അടിമത്വത്തില് നിന്ന് മുക്തരായിട്ടില്ലെന്നും രാജ്യത്തിന്റെ അഖണ്ഡതയേക്കാളും, സുപ്രീം കോടതിയേക്കാളും മുകളിലാണ് ബിബിസിയെന്ന് ചിലര് കരുതുന്നുവെന്നും റിജിജു കുറ്റപ്പെടുത്തി.
ഇത്തരക്കാര് രാജ്യത്തെ ദുര്ബലപ്പെടുത്തുന്നതല്ലാതെ മറ്റൊന്നും ചെയ്യുന്നില്ല. അവരില് നിന്നും മറ്റൊന്നും പ്രതീക്ഷിക്കാനാകില്ലെന്നും മന്ത്രി കൂട്ടിച്ചേര്ത്തു. നിരവധി വര്ഷങ്ങളായി പ്രതിപക്ഷവും കോണ്ഗ്രസും ഗുജറാത്ത് കലാപത്തെ രാഷ്ട്രീയവത്കരിക്കുകയാണെന്ന് ബിജെപി ഐടി സെല് മേധാവി അമിത് മാളവ്യ വിമര്ശിച്ചു. ബിബിസിയുടെ കൊളോണിയല് കാഴ്ചപ്പാടാണ് വ്യക്തമായതെന്നും അദ്ദേഹം പറഞ്ഞു.
മുന് റോ മേധാവിയും വിമരിച്ച ജഡ്ജിമാരും ഉള്പ്പടെ 302 പ്രമുഖ വ്യക്തികള് ഡോക്യുമെന്ററിക്കെതിരെ രൂക്ഷമായ വിമര്ശനവുമായി രംഗത്തെത്തി. കൊളോണിയല് മനോനിലയില്നിന്നും പിറവിയെടുത്ത ഡോക്യുമെന്ററി ഇന്ത്യന് ജനാധിപത്യത്തോടുള്ള വെല്ലുവിളിയാണെന്ന് ഇവരുടെ സംയുക്ത പ്രസ്താവനയില് ചൂണ്ടിക്കാണിക്കുന്നു. മുന്ധാരണയോടെയും വസ്തുതാപരവുമല്ലാത്തുമാണ് റിപ്പോര്ട്ടെന്ന് മുന് റോ മേധാവി സഞ്ജീവ് ത്രിപാഠി വിമര്ശിച്ചു. 13 മുന് ജഡ്ജിമാര്, നയതന്ത്ര പ്രതിനിധികള് ഉള്പ്പെടെ 133 മുന് ഉന്നത ഉദ്യോഗസ്ഥര്, വിവിധ മേഖലകളിലെ 156 പ്രമുഖരല് തുടങ്ങിയവരാണ് സംയുക്ത പ്രസ്താവനയില് ഒപ്പുവച്ചിരിക്കുന്നത്.
