തിരുവനന്തപുരം : കല്ലറ ഭരതന്നൂരിൽ അമ്മയെ സംരക്ഷിക്കുന്നതുമായി ബന്ധപ്പെട്ട തർക്കത്തിനിടെ സഹോദരിയെ സഹോദരൻ വെട്ടി കൊലപ്പെടുത്താൻ ശ്രമിച്ചു. പാങ്ങോട് സ്റ്റേഷൻ പരിധിയിൽ ഭരതന്നൂർ കണ്ണംമ്പാറയിൽ ഷീല (49) യെയാണ് സഹോദരൻ സത്യൻ വെട്ടുകത്തി കൊണ്ട് വെട്ടിയത്. ആക്രമണത്തിൽ ഗുരുതരമായി പരിക്കേറ്റ ഷീലയെ നാട്ടുകാർ ചേർന്ന് തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
ഷീലയുടെ കഴുത്തിലും കാലിലും കൈയ്യിലും വെട്ടി പരിക്കേൽപ്പിക്കുകയായിരുന്നു. സഹോദരൻ സത്യനെ പാങ്ങോട് പോലീസ് കസ്റ്റഡിയിൽ എടുത്തു. ഇന്ന് രാവിലെ 7.30 മണിയോടെ സംഭവം ഉണ്ടായത്. ഇരുവരും തമ്മിൽ നേരത്തെയും വഴക്ക് ഉണ്ടായിരുന്നു.
പ്രതികരിക്കാൻ ഇവിടെ എഴുതുക: