കല്പ്പറ്റ: കെഎസ്ആര്ടിസി ബസ് യാത്രയ്ക്കിടെ ഇലക്ട്രിക്ക് പോസ്റ്റിലിടിച്ച് വിദ്യാര്ത്ഥിയുടെ കൈ അറ്റുപോയി. ആനപ്പാറ കുന്നത്തൊടു സ്വദേശി അസ്ലമിന്റെ (18) കൈയാണ് അറ്റുപോയത്. ചുള്ളിയോട് അഞ്ചാം മൈലില് ഇന്ന് രാവിലെയാണ് അപകടമുണ്ടായത്.
വിദ്യാര്ത്ഥിയുടെ ഇടതു കൈയാണ് അറ്റുപോയത്. ചുള്ളിയോടില് നിന്ന് ബത്തേരിയിലേക്കുള്ള യാത്രയ്ക്കിടെയായിരുന്നു സംഭവം. അറ്റകുറ്റപ്പണി നടന്നുകൊണ്ടിരിക്കുന്ന റോഡിൽ ബസ് മറ്റൊരു വാഹനത്തിന് സൈഡ് കൊടുക്കുന്നതിനിടെയാണ് അപകടം. പരിക്കേറ്റ വിദ്യാര്ത്ഥിയെ ആദ്യം ബത്തേരിയിലെ സ്വകാര്യ ആശുപത്രിയിലും പിന്നീട് മെഡിക്കല് കോളേജിലേക്കും മാറ്റി.
കുട്ടിയുടെ കൈ ബസിന് പുറത്തായിരുന്നുവെന്ന് ദൃക്സാക്ഷികള് പറഞ്ഞു.
