മെല്‍ബണ്‍: അടുത്ത മാസം ഇന്ത്യയില്‍ നടക്കുന്ന ടെസ്റ്റ് പരമ്പരയ്‌ക്കുള്ള ഓസ്‌ട്രേലിയന്‍ ക്രിക്കറ്റ് ടീമിനെ പ്രഖ്യാപിച്ചു. നാല് സ്പിന്നര്‍മാരും ആറ് പേസര്‍മാരുമുള്‍പ്പെടെ 18 അംഗ ടീമിനെയാണ് ക്രിക്കറ്റ് ഓസ്‌ട്രേലിയ പ്രഖ്യാപിച്ചത്. പാറ്റ് കമ്മിന്‍സ് നയിക്കുന്ന ടീമിലെ പുതുമുഖം 22കാരന്‍ ഓഫ് സ്പിന്നര്‍ ടോഡ് മര്‍ഫി. നഥാന്‍ ലിയോണ്‍, ആഷ്ടണ്‍ അഗര്‍, മിച്ചല്‍ സ്വെപ്‌സണ്‍ എന്നിവര്‍ മറ്റ് സ്പിന്നര്‍മാര്‍.
പരിക്കിലുള്ള ഓള്‍റൗണ്ടര്‍ കാമറോണ്‍ ഗ്രീനിനെയും പേസര്‍ മിച്ചല്‍ സ്റ്റാര്‍ക്കിനെയും ടീമില്‍ ഉള്‍പ്പെടുത്തിയിട്ടുണ്ട്. പരമ്പര തുടങ്ങും മുന്‍പ് ഇവര്‍ ആരോഗ്യം വീണ്ടെടുക്കുമെന്നാണ് പ്രതീക്ഷ. പേസര്‍ ലാന്‍സ് മോറിസിനെ പകരക്കാരനായി ടീമില്‍ നിലനിര്‍ത്തിയിട്ടുണ്ട്. നാഗ്പൂര്‍ (ഫെബ്രുവരി 9-13), ന്യൂദല്‍ഹി (ഫെബ്രുവരി 17-21), ധര്‍മ്മശാല (മാര്‍ച്ച് 1-5), അഹമ്മദാബാദ് (മാര്‍ച്ച് 9-13) എന്നിവിടങ്ങളിലാണ് ടെസ്റ്റ് മത്സരങ്ങള്‍.
ടീം: പാറ്റ് കമ്മിന്‍സ്, ആഷ്ടണ്‍ അഗര്‍, സ്‌കോട്ട് ബൊളാന്‍ഡ്, അലക്‌സ് കാരി, കാമറോണ്‍ ഗ്രീന്‍, ജോഷ് ഹെയ്‌സല്‍വുഡ്, പീറ്റര്‍ ഹാന്‍ഡ്‌സ്‌കോമ്പ്, ട്രാവിസ് ഹെഡ്, ഉസ്മാന്‍ ഖവാജ, മാര്‍നസ് ലബുഷെയ്ന്‍, നഥാന്‍ ലിയോണ്‍, ലാന്‍സ് മോറിസ്, ടോസ് മര്‍ഫി, മാത്യു റെനഷാ, സ്റ്റീവ് സ്മിത്ത്, മിച്ചല്‍ സ്റ്റാര്‍ക്ക്, മിച്ചല്‍ സ്വെപ്‌സണ്‍, ഡേവിഡ് വാര്‍ണര്‍.
പ്രതികരിക്കാൻ ഇവിടെ എഴുതുക: