കോഴിക്കോട്: കുഴിമന്തി കഴിച്ചവര് നേരെ കുഴിയിലേക്ക് പോകുന്ന നാടായി കേരളം മാറിയെന്ന് ബിജെപി നേതാവ് സന്ദീപ് വാര്യര്. കുഴിമന്ത്രി കഴിച്ച് മരണങ്ങള് ഉണ്ടായ സാഹചര്യത്തിലാണ് സന്ദീപ് വാര്യരുടെ ഫേസ്ബുക്ക് കമന്റ്.
പിണറായി വിജയന്റെ ഏഴ് വര്ഷത്തെ ഭരണം കേരളത്തെ ചുരണ്ടിച്ചുരണ്ടി മാംസം തീരാറായ ഷവര്മ്മ കമ്പി പോലെ ആക്കിയിട്ടുണ്ട്. വൃത്തിയുള്ള ഭക്ഷണം ലഭിക്കാത്ത വിശ്വസിച്ച് കഴിക്കാന് പറ്റാത്ത നാടായി കേരളം. – സന്ദീപ് വാര്യരുടെ ഫേസ്ബുക്ക് കുറിപ്പ് ഇങ്ങിനെ പോകുന്നു.
നാടൊട്ടുക്ക് കടം വാങ്ങി മൂക്കറ്റം കടത്തില് മുങ്ങിയ സംസ്ഥാനം, കടം വാങ്ങാന് മാത്രം കടലാസ് കമ്പനി, തകര്ന്ന കാര്ഷിക മേഖല, രൂക്ഷമായ വിലക്കയറ്റം- പിണറായി ഭരണത്തിനെതിരെ പരാതികളുടെ പട്ടിക വിളമ്പുന്നു സന്ദീപ് വാര്യര്.
തന്റെ ഫേസ്ബുക്ക് കുറിപ്പില് യുവജന കമ്മീഷനെയും സ്കൂള് കലോത്സവത്തിലെ നോണ് വെജ് വിവാദവും സന്ദീപ് വാര്യര് വെറുതെ വിട്ടിട്ടില്ല. “പ്രത്യേകിച്ചൊരു പണിയും ചെയ്യാത്ത യുവജന കമ്മീഷന് അധ്യക്ഷയ്ക്ക് ഒരു ലക്ഷം രൂപ ശമ്പളം, ആസ്ഥാന കമ്മി വിദൂഷകര്ക്ക് ആകെ പരാതി കലോത്സവത്തില് കാളയിറച്ചി വിളമ്പാത്തത്” – സന്ദീപ് വാര്യര് ആഞ്ഞടിക്കുന്നു.
