ന്യൂദല്ഹി: അമ്മയുടെ വിയോഗത്തില് പ്രധാനമന്ത്രി മോദിക്ക് അനുശോചനസന്ദേശമയത്ത് യുഎസ് പ്രസിഡന്റ് ജോ ബൈഡന് ഉള്പ്പെടെയുള്ള ലോകനേതാക്കള്. “വിഷമസന്ധിയില് ഞങ്ങളുടെ പ്രാര്ത്ഥനകള് പ്രധാനമന്ത്രിയോടും കുടുംബത്തോടും ഒപ്പം. ജില്ലും ഞാനും പ്രധാനമന്ത്രി മോദിക്ക് അനുശോചനം അറിയിക്കുന്നു”- ഇതായിരുന്നു ജോ ബൈഡന്റെ അനുശോചന സന്ദേശം.
അമ്മയുടെ വിയോഗത്തില് അഗാധമായ അനുശോചനം അറിയിക്കുകയായിരുന്നു ഇസ്രയേല് പ്രധാനമന്ത്രി ബെഞ്ചമിന് നെതന്യാഹു.
അമ്മ വിടപറയുന്നതുപോലെ ഒരു ദുഖം വേറെ ഇല്ലെന്നായിരുന്നു പാകിസ്ഥാന് പ്രധാനമന്ത്രി ഷെഹ്ബാസ് ഷറീഫ് അനശോചനസന്ദേശത്തില് അറിയിച്ചത്.
അമ്മയുടെ വേര്പാടില് അനുശോചനം അറിയിക്കുകയായിരുന്നു ജപ്പാനീസ്പ്രധാനമന്ത്രി ഫുമിയോ കിഷിദ.
ദക്ഷിണകൊറിയ പ്രസിഡന്റ് യൂന് സുക് യ്യോളും ഭൂട്ടാന് പ്രധാനമന്ത്രി ഡോ. ലൊട്ടായ് ഷെറിങ്ങും അനുശോചനം അറിയിച്ചവരുടെ കൂട്ടത്തില്പെടുന്നു.
