ശ്രീനഗര്‍: വന്‍ ആയുധശേഖരവുമായി ട്രക്കില്‍ സഞ്ചരിക്കുകയായിരുന്ന നാല് ഭീകരരെ ഏറ്റുമുട്ടലില്‍ സൈന്യം വധിച്ചു. ദേശീയപാത 44ല്‍ സിദ്ര പാലത്തിന് സമീപമാണ് ഏറ്റുമുട്ടലുണ്ടായത്. ഏഴ് എകെ 47 തോക്കുകള്‍, ഒരു എം4 റൈഫിള്‍, മൂന്ന് പിസ്റ്റള്‍, ഗ്രനേഡുകള്‍ അടക്കമുള്ള ആയുധങ്ങള്‍ ഇവരില്‍ നിന്നും പിടിച്ചെടുത്തു.
ഇന്ന് രാവിലെ ഏഴോടെയാണ് സംശയകരമായ സാഹചര്യത്തില്‍ ട്രക്ക് ദേശീയപാതയില്‍ കണ്ടെത്തിയത്. ട്രക്ക് നിര്‍ത്താന്‍ പോലീസ് ആവശ്യപ്പെട്ടതിനെ തുടര്‍ന്ന് വണ്ടി നിര്‍ത്തി കടുത്ത മൂടല്‍ മഞ്ഞില്‍ ഡ്രൈവര്‍ ഓടി രക്ഷപ്പെട്ടു. തുടര്‍ന്ന് നടത്തിയ പരിശോധനയിലാണ് ആയുധങ്ങളും ഒളിച്ചിരുന്ന ഭീകരരെയും കണ്ടെത്തിയത്. ഭീകരര്‍ വെടിവയ്‌ക്കാന്‍ ആരംഭിച്ചതോടെ സുരക്ഷാസേനയുടെ തിരിച്ചടിയിലാണ് ഭീകരര്‍ കൊല്ലപ്പെട്ടത്. 45 മിനിട്ടോളം നീണ്ട ഏറ്റുമുട്ടലില്‍ ട്രക്കിന് തീപ്പിടിച്ചു.
പ്രതികരിക്കാൻ ഇവിടെ എഴുതുക: