തിരുവനന്തപുരം: വര്ക്കലയില് 17 വയസുകാരിയെ സുഹൃത്ത് കഴുത്തറുത്ത് കൊന്നു. വടശ്ശേരിക്കോണത്ത് സംഗീത നിവാസില് സംഗീതയാണ് കൊല്ലപ്പെട്ടത്. സംഭവത്തില് പെണ്കുട്ടിയുടെ സുഹൃത്തായ ദീപുവിനെ പോലീസ് കസ്റ്റഡിയിലെടുത്തു. പള്ളിക്കല് സ്വദേശി ഗോപുവാണ് പിടിയിലായത്.
വീടിന് പുറത്ത് രക്തം വാര്ന്ന നിലയിലാണ് സംഗീതയെ കണ്ടെത്തിയത്. പുലര്ച്ചെ ഒരു മണിയോടെ ഗോപു സംഗീതയുടെ വീട്ടിലെത്തി ഫോണില് വിളിക്കുകയായിരുന്നു. ഇതിന് ശേഷം പുറത്തേക്ക് വന്ന സംഗീതയുമായി വാക്കേറ്റമുണ്ടാകുകയും കയ്യില് കരുതിയിരുന്ന കത്തി ഉപയോഗിച്ച് കഴുത്തറുത്ത് കൊലപ്പെടുത്തുകയുമായിരുന്നു.
ഇരുവരും തമ്മില് അടുപ്പമുണ്ടായിരുന്നുവെന്നും ഇപ്പോള് അകല്ച്ചയിലായതിനാലാണ് കൊലപാതകമെന്നുമാണ് വിവരം. സംഭവ സ്ഥലത്ത് നിന്ന് കൃത്യത്തിന് ഉപയോഗിച്ച് കത്തിയും പ്രതിയുടെ മൊബൈല്ഫോണും പോലീസിന് ലഭിച്ചു. ഇതാണ് പ്രതിയിലേക്ക് എത്താന് പോലീസിനെ സഹായിച്ചത്. ബഹളം കേട്ട് പ്രതി ഓടി മറയുന്നത് കണ്ടുവെന്ന നാട്ടുകാരുടെ മൊഴിയും നിര്ണായകമായി.
കസ്റ്റഡിയിലുള്ള പ്രതി ഗോപുവിനെ പോലീസ് വിശദമായി ചോദ്യം ചെയ്യുകയാണ്. സംഗീതയ്ക്ക് മറ്റാരെങ്കിലുമായി അടുപ്പമുണ്ടോയെന്ന സംശയമാണ് കൊലപാതകത്തിലേക്ക് നയിച്ചതെന്നാണ് പ്രാഥമിക നിഗമനം.
