തൃശൂര്: വഴിയരികില് പരിക്കേറ്റ നിലയില് കണ്ടെത്തിയ യുവാവ് മരിച്ചു. തൃശൂര് പുറ്റേക്കര വലിയപുരക്കല് വീട്ടില് കുഞ്ഞിരാമന്റെ മകന് അരുണ് കുമാര് (38) ആണ് മരിച്ചത്. സംഭവം കൊലപാതകമാണെന്ന സംശയം ഉയര്ന്നിട്ടുണ്ട്. വിശദമായ അന്വേഷണം നടത്തുമെന്ന് പേരാമംഗലം പോലീസ് അറിയിച്ചു.
ഇന്ന് പുലര്ച്ചെ പുറ്റേക്കര സ്കൂളിന് സമീപമുള്ള ഇടവഴിയിലാണ് മുഖത്തും തലയ്ക്കും ഗുരുതര പരിക്കേറ്റ നിലയില് അരുണിനെ കണ്ടെത്തിയത്. ഉടന് തന്നെ നാട്ടുകാരും സന്നദ്ധ സംഘടന പ്രവര്ത്തകരും ചേര്ന്ന് മെഡിക്കല് കോളേജ് ആശുപത്രിയില് പ്രവേശിപ്പിച്ചുവെങ്കിലും മരിച്ചു. പരിക്കേറ്റ് കിടന്ന വഴിയിലൂടെ വാഹനങ്ങള് വരാന് സാദ്ധ്യതയില്ലെന്നാണ് നാട്ടുകാര് പറയുന്നത്.
