പനാജി : ഗോവയില്‍ അനുമതിയില്ലാതെ നിര്‍മാണപ്രവര്‍ത്തനം നടത്തിയതില്‍ തെലുങ്ക് നടന്‍ നാഗാര്‍ജുനയ്‌ക്കെതിരെ നോട്ടീസ്. വടക്കന്‍ ഗോവയിലെ മാന്‍ഡ്രേം പഞ്ചായത്താണ് താരത്തിനെതിരെ അനധികൃത നിര്‍മാണത്തിന് നോട്ടീസ് നല്‍കിയത്. അനുമതി വാങ്ങാതെ മാന്‍ഡ്രേം ഗ്രാമത്തില്‍ നിര്‍മാണ പ്രവര്‍ത്തനങ്ങള്‍ നടത്തിയെന്നാണ് ആരോപണം.
മാന്‍ഡ്രേം മലയോര പ്രദേശത്ത് 6500 ചതുരശ്ര മീറ്റര്‍ സ്ഥലത്ത് അനധികൃത നിര്‍മാണ പ്രവര്‍ത്തനങ്ങള്‍ ശ്രദ്ധയില്‍പ്പെട്ടത്തിനെ തുടര്‍ന്ന് അധികൃതര്‍ നടത്തി അന്വേഷണത്തിലാണ് വസ്തുവില്‍ നാഗാര്‍ജ്ജുനയുടെ പങ്ക് പുറത്തുവരുന്നത്. അനുമതി ഇല്ലാതെയുള്ള നിര്‍മാണ പ്രവര്‍ത്തനങ്ങള്‍ ഉടന്‍ നിര്‍ത്തിവെയ്‌ക്കണമെന്നും അല്ലെങ്കില്‍ ഗോവ പഞ്ചായത്ത് രാജ് ആക്ട് 1994 പ്രകാരം ആവശ്യമായ നടപടി സ്വീകരിക്കുമെന്നും പഞ്ചായത്ത് മുന്നറിയിപ്പ് നല്‍കിയിട്ടുണ്ട്.
പ്രതികരിക്കാൻ ഇവിടെ എഴുതുക: