തിരുവനന്തപുരം : വാഹനം പാര്ക്ക് ചെയ്യുന്നതുമായി ബന്ധപ്പെട്ട തര്ക്കത്തെ തുടര്ന്ന് വിജിലന്സ് സിഐയ്ക്ക് നേരേ ആള്ക്കൂട്ട ആക്രമണം. വെമ്പായം സ്വദേശിയായ വിജിലന്സ് സിഐ യഹിയ ഖാന് നേരെയാണ് മര്ദ്ദനമുണ്ടായത്. പരിക്കേറ്റ സിഐയെ ആശുപത്രിയില് പ്രവേശിപ്പിച്ചു.
തിങ്കളാഴ്ച രാത്രി 11.30-ഓടെ ഇദ്ദേഹത്തിന്റെ വീടിന് മുന്നിലായിരുന്നു സംഭവം. വെമ്പായം തേക്കട റോയല് ഓഡിറ്റോറിയത്തില് വ്യോമസേന ജീവനക്കാരന്റെ വിവാഹവാര്ഷികാഘോഷം നടന്നിരുന്നു. ഇതില് പങ്കെടുക്കാനെത്തിയവരുടെ വാഹനം സിഐയുടെ വീട്ടിലേക്കുള്ള വഴി തടസ്സപ്പെടുത്തി പാര്ക്ക് ചെയ്തതുമായി ബന്ധപ്പെട്ടാണ് തര്ക്കമാണ് പ്രശ്നങ്ങള്ക്ക് തുടക്കം.
വാക്കുതര്ക്കത്തിന് പിന്നാലെ സംഘം ചേര്ന്ന് സിഐയെ വീടിന് മുന്നിലിട്ട് മര്ദ്ദിക്കുകയായിരുന്നു. സ്ഥലത്തെത്തിയ പോലീസ് അഞ്ചുപേരെ അറസ്റ്റ് ചെയ്തു. സംഭവത്തില് 15 പേര്ക്കെതിരേ കേസെടുത്തതായും പോലീസ് അറിയിച്ചു. സംഘത്തില് ഉള്പ്പെട്ട ബാക്കിയുള്ളവരെ പിടികൂടാനായി പോലീസ് അന്വേഷണം നടത്തി വരികയാണ്.
