കോഴിക്കോട്: ഫറോക്ക് പഴയ പാലത്തിൽ മദ്യം കയറ്റി എത്തിയ ചരക്കു ലോറി ഇടിച്ചു. അൻപതോളം കെയ്സ് മദ്യക്കുപ്പികൾ റോഡിൽ ചിതറിത്തെറിച്ചു. ലോറി നിർത്താതെ പോവുകയായിരുന്നുവെന്ന് നാട്ടുകാർ പറയുന്നു. ഇന്ന് പുലര്ച്ചെ ആറരയോടെയാണ് സംഭവമുണ്ടായത്.
കോഴിക്കോട് ഭാഗത്ത് നിന്നും വന്ന ലോറിയാണ് അപകടത്തിൽപ്പെട്ടത്. ലോറി നിര്ത്താതെ പോയതോടെ മദ്യകുപ്പികള് പെറുക്കിയെടുക്കാനുള്ള തിരക്കിലായി നാട്ടുകാര്. പിന്നീട് പോലീസ് സ്ഥലത്തെത്തി അവശേഷിച്ച മദ്യകുപ്പികള് സ്റ്റേഷനിലേയ്ക്ക് മാറ്റി. ലോറിയെ സംബന്ധിച്ച വിവരങ്ങള് ശേഖരിച്ച് വരികയാണെന്ന് പോലീസ് അറിയിച്ചു.
അനധികൃത മദ്യകടത്താണെന്നാണ് സംശയിക്കുന്നത്.
