കത്തു വിവാദത്തില് തിരുവനന്തപുരം കോര്പറേഷന് കൗണ്സില് യോഗത്തിനിടെയുണ്ടായ പ്രതിഷേധത്തിനിടെ സ്ത്രീവിരുദ്ധ പരാമര്ശം നടത്തിയ നഗരസഭ എല്ഡിഎഫ് പാര്ലമെന്ററി പാര്ട്ടി സെക്രട്ടറി ഡി.ആര്.അനിലെതിരേ പ്രതിഷധം ശക്തമാകുന്നു ”പൈസ ആണ് ആവശ്യമെങ്കില് വേറെ പണിക്ക് പോകണം”എന്നായിരുന്നു സിപിഎം കൗണ്സിറിന്റെ പരാമര്ശം. ഇതിന് പിന്നാലെ പ്രതിഷേധവുമായി ബിജെപി കൗണ്സിലര്മാര് രംഗത്തെത്തി.
എന്നാല്, താന് സ്ത്രീകളെ അധിക്ഷേപിച്ചിട്ടില്ലെന്നാണ് ഡി.ആര്.അനിലിന്റെ പ്രതികരണം. അനിലിന്റെ പരാമര്ശം ശ്രദ്ധയില്പ്പെട്ടില്ലെന്നായിരുന്നു മേയര് ആര്യാ രാജേന്ദ്രന്റെ നിലപാട്. സ്ത്രീ വിരുദ്ധ പരാമര്ശം നടത്തിയ അനിലിനെതിരേ നടപടി ആവശ്യപ്പെട്ട് മുഖ്യമന്ത്രിയെ കണ്ട് പരാതി നല്കാന് ബിജെപി നേതൃത്വം തീരുമാനിച്ചു. കൂടാതെ, സിപിഎം ജനറല് സെക്രട്ടറിക്കും സംസ്ഥാന സെക്രട്ടറിക്കും ബിജെപി പരാതി നല്കും.
