ന്യൂദല്ഹി: നഷ്ടത്തില് മുങ്ങി ഉഴലുന്ന ബൈജൂസ് 120 കോടി ഡോളറിന്റെ വായ്പ പുനക്രമീകരിക്കാനൊരുങ്ങുന്നു. ഒപ്പം ചെലവുകള് വെട്ടിച്ചുരുക്കാനും ആലോചിക്കുന്നതായി റിപ്പോര്ട്ടുകള്.
2200 കോടി ഡോളര് ആസ്തിയുള്ള ഇന്ത്യയുടെ ഏറ്റവും വിലമതിക്കുന്ന സ്റ്റാര്ട്ടപ്പായ ബൈജൂസ് വായ്പ പുനക്രമീകരിക്കാന് ഒരു ഉപദേശകനെ വെച്ചിരിക്കുകയാണ്. വായ്പ സ്വീകരിച്ചവരുമായി വായ്പ വ്യവസ്ഥകള് ഉദാരമാക്കുകയാണ് ലക്ഷ്യമെന്ന് അറിയുന്നു.
ചില കമ്പനികള് വന്തുകയ്ക്ക് ഏറ്റെടുത്തതിലെ താളപ്പിഴകളാണ് ബൈജൂസിനെ പ്രതിസന്ധിയിലാക്കിയത്. വായ്പകള് തിരിച്ചടയ്ക്കുമോ എന്ന ആശങ്കയും വായ്പനല്കിയവര്ക്ക് ഉള്ളതായും റിപ്പോര്ട്ടുകളുണ്ട്.
