തിരുവനന്തപുരം: കായിക മേളയുടെ ഒന്നാം ദിനം നടന്ന 3000 മീറ്റര് ഓട്ടത്തില് വെള്ളിയും വെങ്കലവും കരസ്ഥമാക്കിയ പാലക്കാട് മുണ്ടൂര് ഹയര് സെക്കണ്ടറി സ്കൂളിലെ വിദ്യാര്ത്ഥിനികളായ ഇരട്ട സഹോദരിമാര് അലന്യയും അനന്യയും അവസാന ദിവസം നടന്ന 4 കിലോമീറ്റര് ക്രോസ് കണ്ട്രി റേസിലും വെള്ളിയും വെങ്കലവും നേടി അപൂര്വ്വ നേട്ടത്തിനുടമകളായി. പാലക്കാട് മുണ്ടൂര് സ്വദേശികളായ സുരേഷ് ജയഭാരതി ദമ്പതികളുടെ ഇരട്ടക്കുട്ടികളാണ് അലന്യയും അനന്യയും.
ജൂനിയര് സ്റ്റേറ്റ് മീറ്റില് മെഡല് നേടിയതിന്റയും നാഷണല് സ്കൂള് മീറ്റില് കളിച്ചതിന്റെ അനുഭവസമ്പത്തുമായാണ് സംസ്ഥാന സ്ക്കൂള് കായികമേളയില് മത്സരിക്കാന് അലന്യയും അലീനയും തിരുവനന്തപുരത്തേക്ക് വണ്ടി കയറിയത്. ഇരുവരും പരിശീലനകനായ എന്.എസ് സിജിനും ഇവരുടെ നേട്ടത്തില് അഭിമാനിക്കാം.
കാസര്കോഡ് ഒരു തോട്ടത്തിലെ ജീവനക്കാരനാണ് ഇവരുടെ അച്ഛന് സുരേഷ്. സാമ്പത്തിക പരാധീനതകള്ക്കിടയിലും മക്കളുടെ താല്പര്യത്തിന് അനുസരിച്ച് പരിശീലനം നല്കാന് സുരേഷ് ശ്രദ്ധിക്കുന്നുണ്ട്. പത്താം ക്ലാസില് പഠിക്കുന്ന അലീന ഇളയ സഹോദരിയാണ്. അലീനയും ഓട്ടത്തില് പരിശീലനം നേടുന്നുണ്ട്.
