തിരുവനന്തപുരം: അന്താരാഷ്ട്ര ഭിന്നശേഷി ദിനത്തില് ഭാരതീയ സ്റ്റേറ്റ് ബാങ്ക്, ചീഫ് ജനറല് മാനേജര്, (കേരള സര്ക്കിള്) വെങ്കിട്ട രമണ ബായ് റെഡ്ഢി സക്ഷമ ചാരിറ്റബിള് സൊസൈറ്റിയുമായി സഹകരിച്ച് ഭിന്നശേഷിക്കാര്ക്കായി വീല് ചെയറുകള്, ഫിസിയോതറാപ്പി ഉപകരണങ്ങള്, ഓര്ത്തോട്ടിക് ഉപകരണങ്ങള് എന്നിവ സൗജന്യമായി വിതരണം ചെയ്തു.
സക്ഷമയുടെ തിരുവനന്തപുരം ജില്ലാ ഉപാധ്യക്ഷന് ഡോ. അനില്കുമാര് സക്ഷമക്ക് വേണ്ടി അത് സ്വീകരിച്ചു. പ്രസ്തുത ചടങ്ങില് സക്ഷമ ജില്ല സെക്രട്ടറി സുരേഷ് കുമാര്, ഷിജി, വിനോദ്, തുടങ്ങിയ സക്ഷമയുടെ ഭാരവാഹികളും, എസ്ബിഐയുടെ ഉയര്ന്ന ഉദ്യോഗസ്ഥരും സന്നിഹിതരായിരുന്നു.
സക്ഷമയുടെ പ്രവര്ത്തനങ്ങളെ പ്രകീര്ത്തിച്ച വെങ്കിട്ട രമണ റെഡ്ഡി, ഭാവിയില് സക്ഷമ വഴി ആവുന്ന സഹായസഹകരണങ്ങള് നല്കുമെന്ന് പറഞ്ഞു. ചടങ്ങില് പങ്കെടുത്ത ഭിന്നശേഷിക്കാരും, മാതാപിതാക്കളും, ഉയര്ന്ന ബാങ്ക് ഉദ്യോഗസ്ഥരും ഉള്പ്പെടെ എല്ലാവര്ക്കും സക്ഷമയുടെ പേരില് ജില്ലാ ഉപാധ്യക്ഷന് ഡോ. അനില്കുമാര് നന്ദി രേഖപ്പെടുത്തി.
