തിരുവനന്തപുരം: ജില്ലാ സ്പോര്ട്സ് കൗണ്‍സിലില്‍ പ്രസിഡന്റും വൈസ് പ്രസിഡന്റും തമ്മില്‍ കൂട്ടയടി. പ്രസിഡന്റ് സുധീറിനെ വൈസ് പ്രസിഡന്റ് നിസാറാണ് മര്‍ദ്ദിച്ചത്. സൈക്കിള്‍പോളോ ചാമ്പ്യന്‍ഷിപ്പിന് ഒബ്‌സര്‍വറെ അയക്കാത്തതുമായി ബന്ധപ്പെട്ടുള്ള തര്‍ക്കമാണ് സംഘര്‍ഷത്തില്‍ കലാശിച്ചത്.
ഇന്ന് വൈകിട്ടോടെയാണ് സംഭവം. സൈക്കിള്‍പോളോയുടെ ജില്ലാ മത്സരങ്ങള്‍ക്ക് ഒബ്‌സര്‍വറെ ജില്ലാ സ്പോര്ട്സ് കൗണ്‍സില്‍ അനുവദിച്ചില്ല. അതിനാല്‍ സംസ്ഥാന സ്പോര്ട്സ് കൗണ്‍സിലാണ് ഒബ്‌സര്‍വറെ അയച്ചത്. ഇത് സംബന്ധിച്ച് തര്‍ക്കമാണ് അടിപിടിയില്‍ അവസാനിച്ചത്. പ്രസിഡന്റ് ഏകാധിപതിയാണെന്നും സ്വന്തം തീരുമാനങ്ങളാണ് നടപ്പിലാക്കുന്നതെന്നും നേരത്തെ ആരോപണം ഉയര്‍ന്നിരുന്നു.
എന്നാല്‍ സൈക്കിള്‍പോളോയുമായി ബന്ധപ്പെട്ട് നേരത്തെ തന്നെ തര്‍ക്കമുള്ളതിനാല്‍ കമ്മറ്റികൂടിയെ കാര്യങ്ങള്‍ തീരുമാനിക്കാവൂ എന്നും അക്കാര്യം പറഞ്ഞപ്പോള്‍ മര്‍ദ്ദിക്കുകയായിരുന്നുവെന്നും സുധീര്‍ പറഞ്ഞു. ഇരുവരും ആശുപത്രിയില്‍ ചികിത്സതേടിയിട്ടുണ്ട്. കന്റോണ്‍മെന്റ് സ്‌റ്റേഷനില്‍ പരാതി രജിസ്റ്റര്‍ ചെയ്തിട്ടുണ്ട്.
പ്രതികരിക്കാൻ ഇവിടെ എഴുതുക: