മുംബൈ: ബോളിവുഡില് അജയ് ദേവ്ഗണ് മോഹന്ലാലിന്റെ വേഷത്തില് പ്രത്യക്ഷപ്പെടുന്ന ദൃശ്യം 2 ഹിന്ദി റീമേക്ക് അഞ്ച് ദിവസം പിന്നിട്ടപ്പോള് കൊയ്തത് 86 കോടി. വെറും 50 കോടി മുടക്കുമുതലില് നിര്മ്മിച്ച ചെറിയ സിനിമയാണെങ്കിലും കഥയുടെ മികവും ഉടനീളമുള്ള സസ്പെന്സ് ത്രില്ലറും ബോളിവുഡില് ചലമുണ്ടാക്കിയിരിക്കുകയാണ്.
ബോളിവുഡിനെ ഇപ്പോഴത്തെ മാന്ദ്യത്തില് നിന്നും രക്ഷിയ്ക്കാന് നാലോ അഞ്ചോ ദൃശ്യം വേണ്ടിവരുമെന്നാണ് സിനിമയുടെ വിജയത്തോട് പ്രതികരിച്ച് കഴിഞ്ഞ ദിവസം അജയ് ദേവ്ഗണ് പറഞ്ഞത്. അതായത് മികച്ച കഥകളുണ്ടെങ്കില് ആളുകള് തിയറ്ററില് എത്തുമെന്നാണ് അജയ് ദേവ്ഗണ് പറയാന് ശ്രമിച്ചത്. അറിവുള്ളവരും സ്മാര്ട്ടമായ പ്രേക്ഷകര്ക്ക് പുതുമയുള്ളതെന്തെങ്കിലും നല്കിയാലേ അവരെ രണ്ടരമണിക്കൂര് നേരം പിടിച്ചിരുത്താന് കഴിയൂ എന്നും അജയ് ദേവ്ഗണ് പറയുന്നു.
ആദ്യദിനം തന്നെ നല്ല അഭിപ്രായം സ്വരൂപിച്ചതോെടെ അടുത്ത രണ്ട് ദിവസങ്ങളിലും തിരക്കുണ്ടായി. ചിത്രം തിയറ്ററിലെത്തി മണിക്കൂറുകള്ക്കുള്ളില് ദൃശ്യം രണ്ടിന്റെ വ്യാജകോപ്പി നിരവധി വെബ്സൈറ്റുകളില് എത്തിയത് തിരിച്ചടിയാകുമെന്ന് പ്രതീക്ഷിച്ചിരുന്നു. പക്ഷെ അതുണ്ടായില്ല. ടോറന്റ് സൈറ്റുകളില് നല്ല തെളിച്ചമുള്ള എച്ച് ഡി പതിപ്പ് എത്തിയതോടെ തിയറ്ററില് പ്രേക്ഷകരെത്തില്ലെന്ന ആശങ്ക പക്ഷെ പ്രേക്ഷകര് കൂട്ടത്തോടെ എത്തിയതോടെ അകന്നു.
അജയ് ദേവ്ഗണും തബുവുമാണ് ഇതില് മോഹന്ലാലിന്റെയും ആശ ശരത്തിന്റെയും പ്രധാനവേഷങ്ങളില് പ്രത്യക്ഷപ്പെടുന്നത്. തബുവിന്റെ പൊലീസ് വേഷവും ശ്രദ്ധേയമായി. മീനയ്ക്ക് പകരം ഹിന്ദിയില് എത്തിയ ശ്രിയ ശരണും റോള് ഭംഗിയാക്കി.
ടി സീരീസും വയാകോം 18 സ്റ്റുഡിയോസും ചേര്ന്ന് നിര്മ്മിക്കുന്ന സിനിമയുടെ കോ പ്രൊഡ്യൂസേഴ്സ് ആണ് മോഹന്ലാലിന്റെ ആശിര്വാദ് സിനിമാസും. അതുകൊണ്ട് ലാഭവിഹിതത്തില് ഒരു പങ്ക് ആശിര്വാദ് സിനിമയ്ക്കും ലഭിയ്ക്കും. 50 കോടിയായിരുന്നു മുതല് മുടക്ക്. ഇപ്പോഴേ സിനിമ ലാഭത്തിലായിക്കഴിഞ്ഞു. സിനിമ 300 കോടിയെങ്കിലും നേടുമെന്ന് പ്രവചിക്കപ്പെടുന്നു.
അഭിഷേക് പത്താനാണ് സംവിധാനം. അക്ഷയ് ഖന്നയാണ് മുരളീ ഗോപി അവതരിപ്പിച്ച ഐജിയുടെ വേഷത്തില്. പൊലീസ് ഓഫീസറുടെ ഭര്ത്താവിന്റെ വേഷത്തില് എത്തിയ രജത് കപൂറും റോള് മനോഹരമാക്കി. ദേവി ശ്രീ പ്രസാദാണ് സംഗീതം.
