ഖത്തര്: കള്ളപ്പണം വെളുപ്പിക്കല്, മതവിദ്വേഷം വളര്ത്തല്, വിദ്വേഷ പ്രസംഗം തുടങ്ങി ഒട്ടേറെ കുറ്റങ്ങളുടെ പേരില് ഇന്ത്യ അറസ്റ്റ് ചെയ്യാന് ശ്രമിക്കുന്ന സക്കീര് നായിക്കിനെ ചുവന്നപരവതാനി വിരിച്ച് സ്വീകരിച്ച് ഖത്തര്. ലോകകപ്പിനോടനുബന്ധിച്ച് മതപ്രഭാഷണം നടത്താന് ഖത്തറില് എത്തിയ സക്കീര് നായിക്കിന്റെ ചിത്രം പുറത്തുവന്നു.
ലോകകപ്പിനോടനുബന്ധിച്ച് തുടര്ച്ചയായി സക്കീര് നായിക്കിന്റെ പ്രഭാഷണം ഖത്തര് ഭരണാധികാരികള്ക്ക് പങ്കാളത്തിമുള്ള ഒരു സ്പോര്ട്സ് ചാനലാണ് സംപ്രേഷണം ചെയ്യുക. സക്കീര് നായിക്ക് ഫിഫ ലോകകപ്പ് വേദിയിലേക്ക് നടന്നു നീങ്ങുന്ന ചിത്രം പങ്കുവെച്ചത് സിനിമസംവിധായകന് സെയിന് ഖാന് ആണ്. നമ്മുടെ നാട്ടിലെ ജനപ്രിയ ഇസ്ലാമിക് പണ്ഡിതന്മാരില് ഒരാളായ ഡോ. സക്കീര് നായിക്ക് ഖത്തറില് ഫിഫ ലോകകപ്പിനെത്തി – ഇതായിരുന്നു ചിത്രത്തോടൊപ്പം സെയിന് ഖാന് പങ്കുവെച്ച ചിത്രം.
തീവ്രവാദ വിരുദ്ധ നിലപാടുകള് എടുക്കുന്ന സൗദിയിലെ ഇന്ത്യന്സ്വദേശിയായ സഹാക് തന്വീറും സക്കീര് നായിക്കിന്റെ ഒരു വീഡിയോ പങ്കുവെച്ചിട്ടുണ്ട്. ഖത്തറിന്റെ ക്ഷണപ്രകാരം ഫിഫ ലോകകപ്പിന് സക്കീര് നായിക്ക് എത്തിയെന്നാണ് സഹാക് തന്വീര് പങ്കുവെച്ച കുറിപ്പില് പറയുന്നത്. നിരോധിക്കപ്പെട്ട സംഘടനയായ മുസ്ലിം ബ്രദര്ഹുഡിന്റെ (ഇസ്രയേലിനെതിരെ ചാവേര് ആക്രമണം നടത്തുന്ന സംഘടനയാണ് മുസ്ലിം ബ്രദര്ഹുഡ്) പ്രഭാഷകനായ സല്മാന് ഔദയെ ഇസ്ലാമിലെ മികച്ച് പണ്ഡിതന്മാരില് ഒരാളായി സക്കീര് നായിക്ക് വിശേഷിപ്പിച്ചിട്ടുണ്ടെന്നും സഹാക് തന്വീര് പറയുന്നു. ജൂതരെ കൊല്ലുന്ന ചാവേറാക്രമണത്തെ അനുകൂലിക്കുന്ന വ്യക്തിയാണ് സക്കീര് നായിക്കെന്നും സഹാക് തന്വീര് പറയുന്നു.
