തിരുവനന്തപുരം: സുപ്രീം കോടതി വിധി പ്രകാരം എല്ലാ തീര്ത്ഥാടകര്ക്കും ശബരിമലയിലേക്ക് തീര്ത്ഥാടനം അനുവദിച്ചിട്ടുണ്ടെന്നു കാട്ടിയുള്ള പോലീസ് കൈപ്പുസ്തകത്തിലെ നിര്ദ്ദേശം പിന്വലിക്കുമെന്ന് ദേവസ്വം മന്ത്രി കെ.രാധാകൃഷ്ണന്. സര്ക്കാരിനും ദേവസ്വം ബോര്ഡിനും ദുരുദ്ദേശം ഇല്ലെന്നും മന്ത്രി സന്നിധാനത്ത് വാര്ത്താസമ്മേളനത്തില് വിശദീകരിച്ചു. തീര്ത്ഥാടനകാലം തുടങ്ങിയതിന്റെ പശ്ചാത്തലത്തില് ശബരമലയില് ഡ്യൂട്ടിക്കെത്തിയ പൊലീസുകാര്ക്കുള്ള ആഭ്യന്തര വകുപ്പിന്റെ കൈപ്പുസ്തകത്തിലാണ് വിവാദ നിര്ദ്ദേശം ഉണ്ടായിരുന്നത്
. ബിജെപി സംസ്ഥാന പ്രസിഡണ്ട് കെ സുരേന്ദ്രനടക്കം ഈ നിര്ദ്ദേശത്തിനെതിരെ ഭാഷയില് രംഗത്ത് വന്നിരുന്നു. വിശ്വാസികള് ഒരിക്കല് തിരുത്തിച്ചതാണെന്നും വീണ്ടും അവിവേകത്തിന് മുതിര്ന്നാല് പഴയതൊന്നും ഓര്മ്മിപ്പിക്കരുതെന്നും പറഞ്ഞായിരുന്നു കെ.സുരേന്ദ്രന്റെ ഫേസ് ബുക്ക് കുറിപ്പ്. ഈ സാഹചര്യത്തില് കൂടിയാണ് ദേവസ്വം മന്ത്രി വിശദീകരണവുമായി രംഗത്ത് വന്നത്. സ്ത്രീ പ്രവേശനുമായി ബന്ധപ്പെട്ട കേസ് സുപ്രീം കോടതിയുടെ പരിഗണനയിലാണ്. അതില് അന്തിമ തീരുമാനം വരുന്നത് വരെ മുന്പ് ഉണ്ടായ അതേ രീതിയില് പ്രവേശനം തുടരുമെന്നും മന്ത്രി വ്യക്തമാക്കി. അതേസമയം, മുന് വര്ഷങ്ങളില് പ്രിന്റ് ചെയ്ത പുസ്തകം കൊടുത്തതാണെന്നു എഡിജിപി എം.ആര്. അജിത്കുമാര് വ്യക്തമാക്കി. കുറെ അധികം തെറ്റുകള് ഉണ്ട്. എല്ലാം തിരുത്തി പുതിയ നിര്ദ്ദേശങ്ങള് കൊടുക്കുമെന്നും അജിത് കുമാര് വ്യക്തമാക്കി.
