തിരുവനന്തപുരം : ആരോഗ്യം വീണ്ടെടുക്കുന്നതിനുള്ള ആയുര്‍വേദ ചികിത്സയില്‍ പ്രവേശിച്ച് മുഖ്യമന്ത്രി പിണറായി വിജയന്‍. ആയുര്‍വേദ ചികിത്സയില്‍ പ്രവേശിച്ചതിനെ തുടര്‍ന്ന് രണ്ടാഴ്ചത്തെ പൊതു പരിപാടികളെല്ലാം റദ്ദാക്കിയിട്ടുണ്ട്. സാധാരണ കര്‍ക്കിടകത്തില്‍ നടത്താറുള്ള ചികിത്സ പല കാരണങ്ങള്‍കൊണ്ട് തുലാം മാസത്തിലേക്ക് മാറ്റിവെയ്‌ക്കുകയായിരുന്നു.
മുഖ്യമന്ത്രിയുടെ ഔദ്യോഗിക വസതിയായ ക്ലിഫ്ഹൗസില്‍ വെച്ചാണ് ആയുര്‍വേദ ചികിത്സ. ഈ ദിവസങ്ങളില്‍ മുഖ്യമന്ത്രി ഓഫീസില്‍ എത്തില്ല. വീട്ടിലിരുന്നാകും ഫയലുകള്‍ നോക്കുക. പ്രധാന യോഗങ്ങളില്‍ ഓണ്‍ലൈന്‍ വഴി പങ്കെടുക്കും. ബുധനാഴ്ച ചേര്‍ന്ന മന്ത്രിസഭാ യോഗത്തിലും ഓണ്‍ലൈനിലൂടെയാണ് പങ്കെടുത്തത്.
പ്രതികരിക്കാൻ ഇവിടെ എഴുതുക: