തിരുവനന്തപുരം: സഖാക്കള്ക്കുള്ള നിയമനത്തിനായ മേയര് ആര്യരാജേന്ദ്രന് അയച്ച കത്തിന് പിന്നാലെ നിയമനത്തിനായി തിരുവനന്തപുരം നഗരസഭയില് നിന്ന് സിപിഎം ജില്ലാ സെക്രട്ടറിക്ക് അയച്ച മറ്റൊരു കത്ത് കൂടി പുറത്ത്. തിരുവനന്തപുരം എസ്.എ.ടി. ആശുപത്രിയിലെ ഒന്പത് നിയമനങ്ങള്ക്കായി യോഗ്യരായവരുടെ പട്ടിക കൈമാറണമെന്ന് ആവശ്യപ്പെട്ട് നഗരസഭ പാര്ലമെന്ററി പാര്ട്ടി സെക്രട്ടറിയായ ഡി.ആര്. അനിലാണ് ജില്ലാ സെക്രട്ടറി ആനാവൂര് നാഗപ്പന് കത്തയച്ചത്.
![](https://janmabhumi.in/wp-content/uploads/archive/2022/11/05/313484505_448271340785698_9089601287919229365_n.jpg)
ആശുപത്രിയില് രോഗികളുടെ കൂട്ടിരിപ്പുകാര്ക്കായി പണികഴിപ്പിച്ച വിശ്രമകേന്ദ്രത്തില് കുടുംബശ്രീ മുഖേന ജീവനക്കാരെ നിയമിക്കാന് തീരുമാനിച്ചിട്ടുണ്ടെന്നും നിയമനത്തിന് യോഗ്യരായ കുടുംബശ്രീ അംഗങ്ങളുടെ പട്ടിക കൈമാറണമെന്നുമാണ് കത്തില് ആവശ്യപ്പെട്ടിരിക്കുന്നത്. വിശ്രമകേന്ദ്രത്തില് മാനേജര്, കെയര് ടേക്കര് അടക്കം ഒന്പത് ഒഴിവുകളാണുള്ളത്. ഈ ഒഴിവുകളിലേക്കുള്ള നിയമനത്തിനാണ് ഒക്ടോബര് 24ാം തീയതി ഡി.ആര്. അനില് ജില്ലാ സെക്രട്ടറി ആനാവൂര് നാഗപ്പന് കത്തയച്ചത്. ഇതോടെ, നഗരസഭയില് സിപിഎം ഭരണത്തില് നടക്കുന്ന വലിയ സ്വജനപക്ഷപാതമാണെന്നു തെളിഞ്ഞിരിക്കുകയാണ്.
പ്രതികരിക്കാൻ ഇവിടെ എഴുതുക: