തിരുവനന്തപുരം: അന്തരീക്ഷ മലിനീകരണം നിയന്ത്രിക്കുന്നതിന്റെ ഭാഗമായി, ദീപാവലി ആഘോഷങ്ങളില് പടക്കം പൊട്ടിക്കുന്നത് രാത്രി 8 മുതല് 10 വരെയും ക്രിസ്മസ്, പുതുവത്സരാഘോഷങ്ങളില് രാത്രി 11.55 മുതല് പുലര്ച്ചെ 12.30യുമാക്കി നിയന്ത്രിച്ച് സര്ക്കാര് ഉത്തരവ് പുറപ്പെടുവിച്ചു.
ദേശീയ ഹരിത ട്രിബ്യൂണലിന്റെ ഉത്തരവിന്റെ അടിസ്ഥാനത്തിലാണു നിര്ദേശം. ദീപാവലി ആഘോഷങ്ങള്ക്കു രാത്രി 8 മുതല് 10 വരെയും ക്രിസ്മസ്, ന്യൂഇയര് ആഘോഷങ്ങള്ക്കു രാത്രി 11.55 മുതല് 12.30 വരെയും മാത്രമായി പടക്കം പൊട്ടിക്കാന് സമയം പരിമിതപ്പെടുത്തിയാണ് ട്രിബ്യൂണലിന്റെ ഉത്തരവ് പുറപ്പെടുവിച്ചിട്ടുള്ളത്.
ആഘോഷങ്ങളില് ഹരിതപടക്കം മാത്രമേ ഉപയോഗിക്കാന് പാടുള്ളൂ. പടക്കം പൊട്ടിക്കുന്നതിനുള്ള സമയ നിയന്ത്രണം ഉറപ്പാക്കുന്നതിനും സംസ്ഥാനത്ത് ഹരിത പടക്കങ്ങള് മാത്രമേ വില്ക്കുന്നുള്ളൂവെന്ന് ഉറപ്പാക്കുന്നതിനും ജില്ലാ കളക്ടര്മാര്ക്കും ജില്ലാ പോലീസ് മേധാവിമാര്ക്കും നിര്ദേശം നല്കി ആഭ്യന്തര വകുപ്പ് ഉത്തരവു പുറപ്പെടുവിച്ചു.
