തിരുവനന്തപുരം: വേശ്യകളുടെ കാല് കഴുകി ആ വെള്ളം കുടിക്കേണ്ട വ്യക്തിയാണ് നെയ്യാറ്റിന്‍കര ആന്‍സലനെന്ന് സ്വപ്ന സുരേഷ്. കാരണം മറ്റുള്ളവന്റെ പോക്കറ്റില്‍ നിന്നും പണമെടുത്ത് അണ്ടര്‍ വെയര്‍ വാങ്ങിച്ചിട്ട് ഇങ്ങിനെയുള്ള നേതാക്കന്മാര്‍ക്ക് വേണ്ടി അടിവാങ്ങിക്കുന്നതിന് പകരം വേശ്യകളെ ബഹുമാനിക്കുകയാണ് ആന്‍സലനെപ്പോലുള്ളവര്‍ ചെയ്യേണ്ടതെന്നും അവര്‍ പറഞ്ഞു. ഏഷ്യാനെറ്റ് ചാനലിന് നല്‍കിയ പ്രത്യേക അഭിമുഖത്തിലായിരുന്നു ഈ ആരോപണം.
കാരണം വേശ്യകള്‍ അവരുടെ സ്വന്തം ശരീരം വിറ്റാണ് മക്കളെ വളര്‍ത്തുന്നത്. കണ്ടവന്റെ പോക്കറ്റിലെ കയ്യിട്ട് പുതിയ അണ്ടര്‍ വെയര്‍ വാങ്ങിച്ചിട്ട് തലയും ചൊറിഞ്ഞ് കുമ്പിട്ട് നേതാക്കളുടെ മുമ്പില്‍ നിന്ന് അവര്‍ക്ക് വേണ്ടി അടിയും കൊണ്ട് അവര്‍ എന്താണ് ചെയ്യുന്നതെന്ന് അറിഞ്ഞൂടാതെ മറ്റുള്ളവരെ കുറ്റം പറയാന്‍ പോകരുത്. – സ്വപ്ന സുരേഷ് പറഞ്ഞു.
ഏതാനും നാളുകള്‍ക്ക് മുന്‍പ് സ്വപ്നയെ വേശ്യയെന്ന് വിളിച്ചുകൊണ്ട് ആന്‍സലന്‍ എംഎല്‍എ നടത്തിയ പ്രസംഗം വിവാദമായിരുന്നു. ഈ വിവാദ വീഡിയോ വൈറലായി പ്രചരിച്ചിരുന്നു.
പ്രതികരിക്കാൻ ഇവിടെ എഴുതുക: