കോഴിക്കോട് :പേരാമ്പ്രയില് ആര്എസ്എസ് പ്രവര്ത്തകന്റെ വീടിനു നേരെ ബോംബേറ്. ഞായറാഴ്ച പുലര്ച്ചെ 12.40 ഓടെയാണ് സംഭവം. കടുക്കാം കുഴിയില് ശ്രീനിവാസന്റെ വീടിന് നേരെയാണ് ബോംബേറുണ്ടായത്.
ശ്രീനിവാസന്റെ മകന് ശിവപ്രസാദ് ആര്എസ്എസ് പ്രവര്ത്തകനാണ്. വീടിന്റെ മുന്വശത്താണ് ബോംബ് എറിഞ്ഞത്. അപകടത്തില് വീടിന് തകരാര് സംഭവിച്ചിട്ടുണ്ടെങ്കിലും ആര്ക്കും പരിക്കില്ല.
പൊലീസ് സ്ഥലത്തെത്തി പരിശോധന നടത്തി. പ്രദേശത്ത് പൊലീസിന്റെ പിക്കറ്റ് പോസ്റ്റ് ഉണ്ടായിരുന്നിടത്താണ് ആക്രമണം നടന്നത്. സംഭവത്തിൽ വീടിന്റെ ജനൽച്ചില്ല് തകർന്നു.ബൈക്കിലെത്തിയ ആളുകൾ കൃത്യം നടത്തുകയായിരുന്നെന്നാണ് പൊലീസിന്റെ പ്രാഥമിക നിഗമനം. പ്രതികളെ കണ്ടെത്താനായിട്ടില്ല.
