വടക്കാഞ്ചേരി: പുന്നംപറമ്പ് വായനശാല ബസ് കാത്തിരിപ്പ് കേന്ദ്രം കയ്യടക്കി തെരുവുനായക്കൂട്ടം. രാത്രിയെന്നോ പകലെന്നോ വ്യത്യാസമില്ലാതെയാണ് നായ്ക്കള് കൂട്ടത്തോടെ ബസ് കാത്തിരിപ്പ് കേന്ദ്രത്തില് വിഹരിക്കുന്നത്. നായ്ക്കളെ ഭയന്ന് യാത്രക്കാര് മഴയിലും വെയിലിലും കാത്തിരിപ്പ് കേന്ദ്രത്തിന് പുറത്തുനില്ക്കേണ്ട സ്ഥിതിയാണെന്ന് നാട്ടുകാര് പറയുന്നു. നായ്ക്കള് കുരച്ചു ബഹളം വയ്ക്കുന്നതും പതിവാണ്.
വിദ്യാര്ത്ഥികള് ഉള്പ്പെടെയുള്ളവര് ഭീതിയോടെയാണ് മേഖലയിലൂടെ സഞ്ചരിക്കുന്നതെന്നും പ്രശ്നത്തിന് അടിയന്തര നടപടി സ്വീകരിക്കണമെന്ന് അധികൃതരോട് ആവശ്യപ്പെട്ടെങ്കിലും നടപടിയൊന്നുമില്ലെന്നും നാട്ടുകാര് പറയുന്നു.
