ന്യൂദല്‍ഹി: പുതിയ കോണ്‍ഗ്രസ് പ്രസിഡന്‍റ് ആരായാലും അയാള്‍ ഗാന്ധി കുടുംബത്തിന്റെ കയ്യിലെ കളിപ്പാവയായിരിക്കുമെന്ന് ബിജെപി നേതാവ് സുശീല്‍ കുമാര്‍ മോദി.
“ഖാര്‍ഗെയായാലും മറ്റൊരാളായാലും അയാള്‍ കളിയുടെ ഒരു മുഖം മാത്രമായിരിക്കും. അയാള്‍ ഗാന്ധി കുടുംബത്തിന്റെ പാവയായിരിക്കും കാരണം തീരുമാനങ്ങള്‍ എടുക്കുന്നത് ഗാന്ധി കുടുംബം തന്നെയായിരിക്കും.”- സുശീല്‍കുമാര്‍ മോദി പറഞ്ഞു.
സ്ഥാനാര്‍ത്ഥിയായി നാമനിര്‍ദേശം നല്‍കിയ ശേഷം പങ്കുവെച്ച തെരഞ്ഞെടുപ്പ് മാനിഫെസ്റ്റോയില്‍ ശശി തരൂര്‍ തെറ്റായ ഇന്ത്യന്‍ ഭൂപടം പങ്കുവെച്ചത് മനപൂര്‍വ്വമാണെന്നും സുശീല്‍ കുമാര്‍ മോദി പറഞ്ഞു. ജമ്മു കശ്മീരിനെയും ലഡാക്കിനെയും ഒഴിവാക്കിക്കൊണ്ടുള്ള ഇന്ത്യയുടെ ഭൂപടം എന്നത് ശശി തരൂരിന്റെ മാനസികാവസ്ഥയെ തന്നെയാണ് കാണിക്കുന്നത്. – സുശീല്‍ കുമാര്‍ മോദി പറഞ്ഞു.
പ്രതികരിക്കാൻ ഇവിടെ എഴുതുക: