മണിരത്നത്തിന്റെ സ്വപ്ന സിനിമയായ ‘പൊന്നിയിന് സെല്വന്’ ഇതിനോടകം തന്നെ തിയറ്ററുകള് ഇളക്കിമറിച്ചുകഴിഞ്ഞു. റിലീസിന്റെ മൂന്നാം ദിവസം മികച്ച റിപ്പോര്ട്ടുകളാണ് ആഗോള തലത്തില് ലഭിക്കുന്നത്. ഇന്നലെ വരെയുള്ള ചിത്രത്തിന്റെ കളക്ഷന് കണക്കുകള് ആരാധകരെ ആവേശത്തിലാക്കിക്കുകയാണ്. രണ്ട് ദിവസത്തിനുള്ളില് 150 കോടിയിലധികം രൂപയാണ് ടിക്കറ്റ് വിറ്റുവരവിലൂടെ നേടിയിരിക്കുന്നത് എന്നാണ് റിപ്പോര്ട്ട്. തമിഴകത്ത് മാത്രമല്ല ലോകമെമ്പാടും സിനിമയിക്ക് ലഭിക്കുന്നു വലിയ സ്വീകാര്യതയാണ് ഇത് കാണിക്കുന്നത്.
ആദ്യദിവസം തന്നെ എണ്പത് കോടി രൂപ നേടിയതായി നിര്മാതാക്കള് വ്യക്തമാക്കിയിരുന്നു. സാഹിത്യകാരന് കല്ക്കികൃഷ്ണമൂര്ത്തിയുടെ ചരിത്ര നോവലിനെ ആധാരമാക്കി മണിരത്നം നിര്മ്മിച്ച ഈ ബ്രഹ്മാണ്ഡ ചിത്രം വന് ഹിറ്റിലേക്ക് കുതിക്കും എന്നതില് സംശയമില്ല.
വിക്രം, ജയം രവി, കാര്ത്തി, ഐശ്വര്യാ റായ് ബച്ചന്, തൃഷ, റഹ്മാന്, ഐശ്വര്യലക്ഷമി, പ്രഭു, ശരത് കുമാര്, ജയറാം, പ്രകാശ് രാജ്, ലാല്, വിക്രം പ്രഭു, പാര്ത്ഥിപന്, ബാബു ആന്റണി, അശ്വിന് കാകുമാനു, റിയാസ് ഖാന്, ശോഭിതാ ദുലിപാല, ജയചിത്ര തുടങ്ങി ഒട്ടേറേ അഭിനേതാക്കള് ചിത്രത്തിന്റെ ഭാഗമാണ്. 125 കോടിക്കാണ് ആമസോണ് പ്രൈം വീഡിയോ ചിത്രത്തിന്റെ സ്ട്രീമിംഗ് സ്വന്തമാക്കിയതെന്നാണ് റിപ്പോര്ട്ട്. തമിഴിനു പുറമേ മലയാളം, തെലുങ്ക്, കന്നഡ, ഹിന്ദി ഭാഷകളിലും ചിത്രം പ്രദര്ശനത്തിന് എത്തിയിട്ടുണ്ട്.
