കൊല്ലം: കുന്നത്തൂര് താലൂക്കിലുണ്ട് ചെറു’താലിബാന്’. പോലീസ് രഹസ്യാന്വേഷണ വിഭാഗത്തിന്റെയും കേന്ദ്ര ഇന്റലിജന്സ് വിഭാഗത്തിന്റെയും അന്വേഷണ റിപ്പോര്ട്ടിലും ‘താലിബാന്’ എന്നാണ് വിശേഷിപ്പിച്ചിരിക്കുന്നത്. ഇസ്ലാമിക തീവ്രവാദത്തിന്റെ കേരളത്തിലെ തന്നെ പ്രധാന ശക്തികേന്ദ്രമാണ് ഇവിടം.
വര്ഷങ്ങള്ക്ക് മുന്പ് ഒരു മണ്ഡലകാലത്ത് മിനി ബസില് വഴി തെറ്റി വന്ന ശബരിമല തീര്ഥാടകരെ ശരണം വിളിച്ചതിന്റെ പേരില് തടഞ്ഞ് നിര്ത്തി ക്രൂരമായി മര്ദിക്കുകയും വാഹനം അടിച്ചു തകര്ക്കുകയും ചെയ്തിരുന്നു. മറ്റൊരു മണ്ഡലകാലത്ത് ഈ പ്രദേശത്തിന് സമീപമുള്ള ശാസ്താംനട ക്ഷേത്ര മുറ്റത്ത് കഞ്ഞിസദ്യ നടക്കുമ്പോള് ആയുധങ്ങളുമായെത്തിയ എസ്ഡിപിഐ ക്രിമിനല് സംഘം ഭക്തര്ക്കിടയിലേക്ക് വാഹനം ഓടിച്ചു കയറ്റി. തുടര്ന്ന് കഞ്ഞി കുടിച്ചു കൊണ്ടിരുന്ന സ്ത്രീകള് അടക്കമുള്ള വരെ വാള് വീശി വിരട്ടി ഓടിച്ചു. നിരവധി പേര്ക്ക് അന്ന് പരിക്കേറ്റിരുന്നു.
മാസങ്ങള്ക്ക് ശേഷം പുത്തൂരില് പശുക്കളെ പെട്ടിഓട്ടോയില് കഴുത്തിന് കയറിട്ട് കെട്ടി വലിച്ചിഴച്ച് കൊണ്ടു പോയ സംഭവം ചോദ്യം ചെയ്ത സൈനികനായ യുവാവിന്റെ വീട് എസ്ഡിപിഐക്കാര് അടിച്ചു തകര്ത്തു. ഈ സംഭവത്തിലെ പ്രധാന പ്രതികള് ക്ഷേത്ര മുറ്റത്ത് കലാപമുണ്ടാക്കിയ പോരുവഴി സ്വദേശികളായിരുന്നു. പോരുവഴി പടിഞ്ഞാറ് കമ്പലിട, ചിറ ഭാഗം, പനപ്പെട്ടി കിഴക്ക് പ്രദേശങ്ങളാണ് ഇവരുടെ ശക്തികേന്ദ്രങ്ങള്. ഈ പ്രദേശങ്ങളില് ആയുധ പരിശീലനം നടത്തുന്നതും പതിവായിരുന്നു. പരിശീലന കേന്ദ്രത്തില് പരിശോധന നടത്തിയ ശൂരനാട് എസ്ഐ ക്ക് വധഭീഷണി വരെ ഉണ്ടായി.
