അഹമ്മദാബാദ് : നവരാത്രി ആഘോഷങ്ങള്ക്ക് ഒരുങ്ങുന്ന യുവതികളുടെ ഒരു പ്രധാന ശീലമാണ് പുറത്ത് ടാറ്റൂ വരയ്ക്കുക എന്നത്. ഇക്കുറി ഗുജറാത്തി സ്ത്രീകളുടെ നവരാത്രി ആഘോഷങ്ങൾക്ക് മാറ്റുകൂട്ടാന് എത്തുന്നത് പ്രധാനമന്ത്രി നരേന്ദ്രമോദിയും ഇന്ത്യയില് മോദി കൊണ്ടുവന്ന നമീബിയയില് നിന്നും ചീറ്റപ്പുലികളുമാണ്.
സൂറത്തിലെ സ്ത്രീകൾ മുതുകിൽ മോദിയേയും ചീറ്റയുടേയും ചിത്രങ്ങള് വരിപ്പിയ്ക്കുന്ന ഫോട്ടോകള് ഗുജറാത്തിലെ പ്രമുഖദിനപത്രമായ നവഭാരതി ടൈംസ് പുറത്തുവിട്ടു. ഗുജറാത്തി സ്ത്രീകളുടെ മോദിയോടുള്ള ആദരവും അദ്ദേഹം നടത്തുന്ന വിവിധ സാമൂഹ്യവികസന പരിപാടികളോടുള്ള ബഹുമാനവും ഈ ടാറ്റൂകളില് കാണാം.
ഇക്കുറി നവരാത്രി ആഘോഷങ്ങൾക്കിടെ പ്രധാനമന്ത്രി സൂറത്തിൽ സന്ദർശനം നടത്തുന്നതും ഇവിടുത്തെ സ്ത്രീകള്ക്ക് ടാറ്റൂ വരപ്പിയ്ക്കുന്നതിന് പ്രചോദനമാകുന്നുണ്ട്. പ്രധാനമന്ത്രിയുടെ സ്വന്തം തട്ടകത്തിൽ ഡിസംബറിൽ നിയമസഭാ തിരഞ്ഞെടുപ്പ് കൂടി നടക്കുന്നതിനാൽ പല രീതിയില് ജനങ്ങളെ ആവേശംകൊള്ളിക്കാനും ബി ജെ പി പ്രവർത്തകർ ശ്രമിക്കുന്നു. .
